Bu gün görkəmli Azərbaycan şairi Hüseyn Kürdoğlunun dünyadan köçdüyü gündür.

Bu münasibətlə “Söz qonağı” Ədəbi Məclisininn üzvləri tərəfindən şairin Xırdalan qəbiristanlığındakı qəbri ziyarət edilmiş, şairin və həyat yoldaşının məzarları üstünə tər qərənfillər düzülmüşdür.

Axundun Quran oxumasından sonra “Söz qonağı” Ədəbi Məclisinin rəhbəri İlham Qəhrəman H.Kürdoğlunun yaradıcılığının məziyyətlərindən, şeirlərindəki bədii dil xüsusiyyətlərindən danışmışdır. O anım tədbirinin həm də xalq arasında deyildiyi kimi “qəbir üstə çıxmaq” adətimizə bir hörmət əlaməti olduğunu vurğulamışdır.

Bundan sonra C.Cabbarlı adına İrəvan Dövlət Azərbaycan Dram Teatrının aktrisası, sənətşünaslıq üzrə fəlsəfə doktoru, qiraət ustası Zülfiyyə Eldarqızının ifasında şairin şeirləri səslənmişdir.

İlham Qəhrəman isə şairin yurd həsrətli “Qalmadı” şeirini oxumuşdur.

Şairin qardaşı, professor Şirindil Alışanov, oğlu Nasir, “Laçın yurdu” jurnalının baş redaktoru Arif Məmmədli və laçınlı ziyalı Yasir Cabbarov da tədbirə qatılanlar arasında olublar.

• "Matrix 5" gəlir - Keanu Rivz də olacaq?
• Əli Səttar Quliyev: "Ölkəmizi təmsil etməyə hazırıq"
• Şayiə yayılır ki, tezliklə müharibə başlanacaq... - Öz evində artıq adama çevrilən leytenant