Fevralın 7-i Azad Qaradərəlinin “Kum-Manıç çökəkliyi” adlı yeni kitabının imza günü keçirilib. Kulisin məlumatına görə Kitabevim.az mağazasında keçirilən tədbirdə yazıçının qələm dostları, oxucular iştirak ediblər.
“Kuma-Manıç çökəkliyi” romanı “XAN” nəşriyyatında çapdan çıxıb. Bu əsər müəllifin kitab halında nəşr olunan üçüncü romanıdır. Bundan əvvəl “Qanun” nəşriyyatında işıq üzü görən “Burda yer fırlanmırdı” kitabında onun ilk iri həcmli əsəri olan “Günəş tutulan yerdə” və yenə həmin nəşriyyatda ayrıca kitab şəklində “Şəhərcik” romanları çap olunmuşdur. “Kuma-Manıç çökəkliyi” ilə əvvəlki iki roman arasında müəyyən məzmun və süjet “qohumluğu” olsa da, bu yeni əsər hadisələrə nüfuz etmək, klassik romançılıqla modern roman məktəbinin sintezini verə bilmək baxımından daha maraqlıdır. “İtirilmiş nəsil” olan 80-90-cı illər gəncliyinin taleyindən və həm də itkin torpaqlarımızdan bəhs edən romanda hadisələr Qarabağ müharibəsinin fonunda cərəyan etsə də, döyüş səhnələri yox kimidir. Simvolik Lalar kəndi kimi bu döyüş səhnələrinin yoxluğu da əslində bir çox yoxluqlardan bizi hali edir. Yox ola-ola hara getdiyimizi anlatmağa çalışır…
Kitabda ön sözün müəllifi Qismət, redaktoru Sevinc Elsevər, rəssamı sürəyya Muğanlıdır.
Fotoları təqdim edirik.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər