Bakıda MİKTA ölkələrinin (Meksika, İndoneziya, Cənubi Koreya, Türkiyə və Avstraliya) ilk film festivalına həsr olunmuş mətbuat konfransı keçirilib.

APA-nın xəbərinə görə, sentyabrın 27-dən oktyabrın 25-nə kimi davam edəcək film festivalı mədəni müxtəlifliyi təşviq etmək və mədəni çoxtərəfli əlaqələri möhkəmləndirmək məqsədi daşıyır. Festivalda Meksika, İndoneziya, Cənubi Koreya Respublikası və Türkiyə səfirlikləri müxtəlif mövzulardan bəhs edən filmləri təqdim edəcəklər.

Mətbuat konfransında çıxış edən Meksikanın Azərbaycandakı səfiri Rodriqo Labardini MİKTA haqqında qısa məlumat verib. Səfir Türkiyə, Avstraliya, İndoneziya, Cənubi Koreya və Meksika arasında mədəni əlaqələrdən söz açıb. O bildirib ki, MİKTA 2003-cü ildə BMT Baş Assambleyasının iclasında yaradılıb: “MİKTA-nın yaradılmasında əsas məqsəd informativ tədbirlər vasitəsilə dünyada baş verən çağırışlara cavab olaraq, müxtəlif, dil, mədəniyyətlər, dinlərə məxsus ölkələri birləşdirərək dünyada stabilliyə, qanunun aliliyinə töhfələr vermək olub”.

Meksika səfirinin sözlərinə görə, MİKTA-ya üzv ölkələr və Azərbaycan arasında sıx əməkdaşlıq var. O vurğulayıb ki, MİKTA-ya üzv ölkələrlə Azərbaycan arasında ticarət dövriyyəsi 2013-2018-ci illərdə 3 milyard ABŞ dollarını ötüb.

İndoneziyanın Azərbaycandakı səfiri Husnan Beyfanani ölkəsində çəkilmiş “Qaruda Di Dadaku” filmini təqdim edərək bildirib ki, Qaruda mübarizə naminə özünü qurban etmənin və İndoneziya insanlarının ruhunun simvoludur.

Türkiyə səfiri Erkan Özoral Türkiyə istehsalı olan "Ayla" filminin nümayiş etdiriləcəyi bildirib. O bu filmin Türkiyə və Cənubi Koreyanın ortaq tarixi dövrünə aid olduğunu bildirib.

Daha sonra səfirlər jurnalistlərin suallarını cavablandırıb.

• Mirxalis - Mirmehdi Ağaoğlunun yeni hekayəsi
• Aydın Əzim: "Qara Qarayev Amerikadan gələndə onu Polad Bülbüloğlu ilə tapançayla qarşıladıq" - Müsahibə
• Amerikalı repçinin Rusiyadakı konsertləri ləğv edildi – Səbəb