Azərbaycan Respublikası Kinematoqrafçılar Ittifaqı yeni kinofestival təsis edib.
Kulis.az-ın verdiyi xəbərə görə, “Qızıl Pillə” adlanan Milli Kinovestivalı keçirməkdə məqsəd Azərbaycanda milli kino sənətinin inkişafına dəstək, kinematoqrafiyada peşəkar səviyyənin qorunub saxlanılması və bu sahədə çalışan kinematoqrafçıları həvəsləndirməkdir.
İki ildən bir, noyabr ayında, Bakı şəhərində keçiriləcək festivalda, son iki il ərzində Azərbaycanda istehsal olunmuş bədii və sənədli filmlər iştirak edəcək. Həmçinin, kinofestivalda bir çox nominasiyalar və xüsusi mükafatlar təqdim ediləcək.
Artıq milli kinofestivalın 2018-2019-cu illər üçün ən yaxşı tammetrajlı bədii film, ən yaxşı qısametrajlı bədii film, ən yaxşı sənədli film, ən yaxşı animasiya filmi, ən yaxşı orijinal ssenari, ən yaxşı rejissor işi, ən yaxşı prodüser işi, ən yaxşı kişi rolunun ifaçısı, ən yaxşı qadın rolunun ifaçısı, ən yaxşı operator işi, ən yaxşı rəssam işi, ən yaxşı bəstəkar işi, ən yaxşı səs tərtibatı nominasiyaları üzrə müsabiqə elan olunub.
Müsabiqənin şərtləri haqqında İttifaqın saytında ətraflı məlumat əldə edə bilərsiz.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər