İlham Qəhrəmanın kitabı Təbrizdə

Media

Ana səhifə
Media

İlham Qəhrəmanın kitabı Təbrizdə

22 noyabr 2017

11:17

İlham Qəhrəmanın kitabı Təbrizdə çap olundu

Tanınmış şair İlham Qəhrəmanın Təbrizdə şeirlər kitabı əski əlifbada çap olunub.

Şairin Kulis.aza verdiyi məlumata görə, “Məni bizə gətir” adlanan kitab 6 bölmədən ibarətdir. İlham Qəhrəman daha sonra bunları söyləyib: “Sevinirəm ki, yaradıcılığıma belə diqqət yetirib çap etməyə layiq biliblər. Hiss və həyacanımı özündə ehtiva edən, ürək qanımla yazdığım şeirlərin o taylı oxucuların qapısını döyməsi həm məsuliyyət, həm də qürurvericidir. Bu həm də şeirlərimin mənsiz də öz başını saxlayacağının təsdiqidir. Kitab bəzi işbazların pirat yolla çap etdirdiyi, üstündə qeyd edilən tirajla faktiki çap sayı arasında böyük fərq olan kitablardan deyil”.

Qeyd edək ki, “Məni bizə gətir” kitabı tanınmış şairin İranda işıq üzü görən ikinci şeirlər kitabıdır. Bundan əvvvəl onun Tehranda “Əsir dağlar” (“Pınar” nəşriyyatı, 2009) adlı kitabı nəşr edilmişdir. “Məni bizə gətir” bir az bundan əvvəl Təbrizdə keçirilən Beynəlxalq kitab sərgisində nəşriyyatın pavilyonunda sərgilənən kitablar arasında olmuşdur.