ƏSA-dan mövsümün son tamaşası

ƏSA-dan mövsümün son tamaşası
24 iyun 2019
# 12:40

Azərbaycanın əlilliyi olan aktyorlardan ibarət ilk və tək inklüziv ƏSA Teatrı cari teatr mövsümünün paytaxt Bakıdakı son tamaşasını iyulun 6-da nümayiş etdirəcək. Bu barədə məlumatı teatrın baş meneceri Nicat Qulam verib.

Baş menecerin sözlərinə görə, ƏSA Teatrının repertuarındakı çoxsaylı tamaşaların arasında “Adamlar və siçanlar” tamaşası yerli və xarici tamaşaçılar tərəfindən xüsusi rəğbətlə qarşılandığından cari teatr mövsümünü paytaxtda məhz bu tamaşa ilə yekunlaşdırmaq qərara alınıb.

Nobel və Pultizer mükafatı laureatı Amerikalı yazıçı Con Steynbekin “Siçanlar və adamlar haqqında” povestinin motivləri əsasında hazırlanan tamaşanın nümayişi iyulun 6-da Azərbaycan Dövlət Akademik Rus Dram Teatrının səhnəsində baş tutacaq.

Tamaşanın quruluşçu rejissoru Nihad Qulamzadə, baş prodüseri və səhnə tərtibatçısı Nicat Qulam, multi-media meneceri Elxan Xanəlizadə, işıq rəssamı Bünyamin Sailovdur.

Rolları Elşən Əsgərov, Elvin Mirzəyev, Səmayə Ağayarova, Niyaz İlyasoğlu, Cəmilə Məmmədli, İmran Lalayev, Riyad Sultanov, Günay Məmmədova, Fərid Əliyev və Bəhram Rəhimli canlandıracaq.

XX əsrin 30-cu illərində ABŞ-da baş verən iqtisadi böhranın insanlığa vurduğu mənəvi zərbələrin fonunda baş verən hadisələr əsasən insanlara mərhəmət, alicənab hisslər, xeyirxahlıq kimi yüksək mənəvi keyfiyyətləri aşılayır.

“Adamlar və siçanlar” tamaşası paytaxt Bakı ilə yanaşı Naxçıvan şəhərində böyük coşğu ilə qarşılanıb. ƏSA Teatrı yay fəslində digər bölgələrdə də qastrol nümayişləri reallaşdıracaq.

Biletləri iTicket.az onlayn satış portalından və şəhərin bütün kassalarından əldə edə bilərsiniz.

# 2602 dəfə oxunub

Oxşar xəbərlər

Yubiley törəni:  Kənan Hacı - 50

Yubiley törəni: Kənan Hacı - 50

21:36 4 aprel 2025
Məscid Allahın evi deyil - Ömər Xəyyam

Məscid Allahın evi deyil - Ömər Xəyyam

18:53 4 aprel 2025
Aqşin Yenisey:  "Rahatlıq varsa, yaradıcılıq yoxdur"

Aqşin Yenisey: "Rahatlıq varsa, yaradıcılıq yoxdur"

18:30 4 aprel 2025
Akademik Musiqili Teatrına yeni direktor təyin edildi

Akademik Musiqili Teatrına yeni direktor təyin edildi

18:27 4 aprel 2025
Bakıda Beynəlxalq Xalça Festivalı keçiriləcək

Bakıda Beynəlxalq Xalça Festivalı keçiriləcək

18:00 4 aprel 2025
Xalq artisti Faiq Sücəddinovun vəziyyəti pisləşib

Xalq artisti Faiq Sücəddinovun vəziyyəti pisləşib

17:35 4 aprel 2025
# # #