Azərbaycanlı balet artisti kitab yazdı

Azərbaycanlı balet artisti kitab yazdı
4 iyun 2018
# 10:35

Azərbaycanın Xalq artisti, balet aktyoru Gülağası Mirzəyevin “Rampa işığında həyat” adlı kitabının təqdimatı keçiriləcək.

Kulis.az-ın verdiyi xəbərə görə, təqdimat iyunun 5-də YARAT Mərkəzində Ədəbiyyat Klubu çərçivəsində baş tutacaq.

Rus dilində yazılmış kitab balet artistinin yaradıcılıq yollarından bəhs edir. “Son 20 ildə Azərbaycanda balet sənəti haqqında məqalələr, resenziyalar anonslar istisna olmaqla, heç bir kitab çap edilməyib və bu kitabın unikallığı ondadır ki, onu balet artisti yazıb və o yalnız bir tamaşadan və ya həyat epizodundan bəhs etmir, bir çox premyeralar qastrol çıxışlarından, balet sənətindəki problemlərdən bəhs edir”. – Tədbirin anonsunda belə deyilir.

Tədbir təşkilatçılarının yazdığına görə, qonaqları kiçik bir sürpriz gözləyir,. Belə ki, tədbir balet artistlərinin performansı ilə başlayacaq, daha sonra müəllif kitabı haqda danışacaq. Tamaşaçılarla interaktiv oyun, viktoruna keçirilməsi planlaşdırılır, qaliblər müəllifin avoqrafı ilə kitab hədiyyə qazanacaqlar. Giriş sərbəstdir.

Mirzəyev Gülağası Ağahüseyn oğlu Azərbaycanın Xalq artisti, Prezident mükafatçısıdır.

1978-ci ildə Bakı şəhərində anadan olmuşdur. 1995-ci ildə Bakı Xoreoqrafiya Məktəbinin klassik şöbəsini bitirmişdir. 1994-cü ildə BXM-nin sonuncu kursunda təhsil alarkən G.Mirzəyev Teatrın balet truppasına qəbul edilmişdir. G.Mirzəyev Teatrın repertuarında olan əksər tamaşalarda - “Jizel” (Albert), “Romeo və Cülyetta” (Romeo), “Karmen-süita” (Torero), “Don Kixot” (L.Minkus) (Espada), “Şelkunçik” (Şahzadə) “Qu gölü” (Pa-de-trua), “Leyli və Məcnun” (Q.Qarayev) (Məcnun), “Don Kixot” (Q.Qarayev) Don-Kixot), “Min bir gecə” (Ələddin), “Yeddi gözəl” (Bəhram-şah) və “Bolero”, “Tamahlar”, “Ağ və qara”, “Xeyir və şər”, “Xəzər balladası” baletlərində solo partiyalar ifa edir.

# 1647 dəfə oxunub

Oxşar xəbərlər

Şəhər işıqlıdır, amma ümidli deyil...  - Bakı ilə necə yadlaşdıq?

Şəhər işıqlıdır, amma ümidli deyil... - Bakı ilə necə yadlaşdıq?

15:00 14 sentyabr 2025
Çadrasını atan inqilabçı qadınlar... - Cəfər Cabbarlı niyə Sevili azərbaycanlı qızın oynamasını istəyirdi?

Çadrasını atan inqilabçı qadınlar... - Cəfər Cabbarlı niyə Sevili azərbaycanlı qızın oynamasını istəyirdi?

10:00 14 sentyabr 2025
Şamaxıda Üzüm və Şərab Festivalı start götürür

Şamaxıda Üzüm və Şərab Festivalı start götürür

16:30 13 sentyabr 2025
İran və Azərbaycan qarşılıqlı mədəniyyət günləri keçirəcək

İran və Azərbaycan qarşılıqlı mədəniyyət günləri keçirəcək

16:05 13 sentyabr 2025
Orxan Pamuk yeni romanını yekunlaşdırmaq üzrədir

Orxan Pamuk yeni romanını yekunlaşdırmaq üzrədir

14:05 13 sentyabr 2025
"Coldplay" Vembley stadionunun tamaşaçı rektordunu qırıb

"Coldplay" Vembley stadionunun tamaşaçı rektordunu qırıb

13:05 13 sentyabr 2025
Ana səhifə Yazarlar Bütün xəbərlər