Kulis.az aktrisa Ləman Mərihin ifasından Nicat Manafovun "Heç nəyə doğru" adlı poetik monoloqunu təqdim edir.
Küçənin son işıqları da sönmək üzrədi
mən isə ayağıma dolaşan xatirələrlə addımlayıram sakitcə.
Bilmədiyim bir istiqamətə,
məni gözləməyən heç nəyə doğru...
Ağırlıq edir xatirələr,
Kəndir olub kecib boğazıma
amma
yıxılmayacam,
davam edəcəm o yerə doğru.
Bilirəm qapıda həyəcanla gözləyir məni
HEÇ NƏ
Nə vaxtdan gözləyir
Onu da bilmirəm,
amma laqeydliyim
dərin kədərə boğur məni
Bunu bilərək etmirəm
Gözlədirəm səni.
Çox gedirəm, hara, niyə gedirəm
sualları ilə dolaşıram yollarda
tək getməliyəm bu həqiqətə,
Bilirəm çətindi
Nə ləpir var, nə iz var
Siz gəlməyin qayıdın, qayıdın
gözləyəniniz var.
Çatıram ünvana
heç nə məni gözləyir qapıda.
Elə gülümsəyir ki,
qucaqlamaq, öpmək istəyirəm
Yaxınlaşıram yox olur əllərimdən,
Gizlənir hardasa...
O qədər yorulmuşam ki,
taqətim də yoxdur axtarmağa.
Gücüm bircə bütün səssizlimlə bağırmağa çatır
Bağırmağa
Çıx haradasansa qarşıma,
yorma məni
Ya gəl otur ağla ya da
Qucaqla məni.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər