Kulis.Az Yeni il lətifələrini təqdim edir

Somalinin səfillər küçəsiylə gedən Şaxta Babanın dalınca düşən zənci uşaqlar çığırırlar:

- Şaxta Baba! Şaxta Baba! Bizə hədiyyə ver!

- Verməyəcəm – Şaxta Baba hirslə deyir - Mən hədiyyəni yalnız vaxtı-vaxtında yeməyini yeyən uşaqlara verirəm.

***

Hörmətli Şaxta Baba! Elə et ki, atam gələn il də parolları klaviaturanın arxasına yazsın. Bir də “My documents” qovluğuna çoxlu qəşəng qız videoları yükləsin.

Əhməd, 12 yaş.

***

- Anacan, sən həqiqətən də istəyirsən ki, Yeni ili evdə keçirim?

- Əlbəttə.

- Onda 31-i gecəsi harasa get.

***

Rus saytları:

“Əziz rus xanımları, bəsdir Şaxta Babadan kişi istədiniz! Artıq Tacikistan və keçmiş sovet ölkələrinin kişilərinin yarısı bizə köçüb”.

***

Arif Yeni ildə Şaxta Babadan konki istəyir. Arzusu yerinə yetir. İndi də şaxta və qar istəmədiyinə görə peşmandır.

***

Supermarketdə Şaxta Baba balaca qızcığazı dizinin üstünə alıb soruşur:

- Yeni il hədiyyəsi üçün nə istəyirsən?

Qız heyrətlə cavab verir:

- Babacan, deyəsən, esemesimi oxumamısan.

***

Əgər sərxoş Santa-Klausla qarşılaşmısansa o zaman bu yəqin ki, Şaxta Babadır.

***

Əziz Şaxta Baba!

Mənə bu Yen ildə əsl tapança hədiyyə elə. Yoxsa oyuncaq tapançanı gəzdirməkdən yoruldum.

İmza: Sahə müvəkkili

***

Uşağın:

- Şaxta Baba, sən doğruçusan? - sualından sonra Şaxta Baba sertifikatını, vergi bəyannaməsini, lisenziyasını uşağa göstərdi.

***

Bir qız Şaxta Babaya yeni il arzusunu deyir:

- Şaxta Baba, arıqlamaq istəyirəm.

- Bu çox çətin işdi.

- Mən hər şeyə hazıram.

- Onda gərək çənəni sındıram ki, yeyə bilməyəsən.

***

Əziz Şaxta Baba, xahiş edirəm mənim hədiyyəmi yolkanın altına qoyma, elə birbaş qaraja sür.

***

- Şaxta Baba ilə Qar qızın fərqini bilirsinizmi?

- Kürklərinə diqqət edin. Birinin düymələri sağdan sola, o birininki soldan sağa bağlanır.

***

Şaxta Baba psixiatrın yanına gəlib deyir:

- Həkim, kömək edin! Mən özümə inanmıram.

***

- Şaxta Baba ilə Santa-Klausun fərqi nədir?

- Şaxta Babanın yanında həmişə bir qız olur.

***

Şaxta Babanın ölümündən əvvəlki son sözü:

- Uşaqlar, vəssalam, hədiyyələr qurtardı.

***

Anası balaca oğlunu danlayır:

- Sən ana söyüşünü kimdən eşitmisən?

- Şaxta Babadan.

- Ola bilməz.

- Olar. Qardaşım Əli qartopuyla Şaxta Babanın gözündən vuranda dedi.

***

- Dünyanın sonu ilə Yeni il bayramının fərqi nədir?

- Dünyanın sonundan sonra əziyyət çəkmirsən.

***

Şaxta Babaya məktub yazıb ərimə vermişəm. Gözləyirəm.

***

Mağazada satıcı notbukların üzərindəki “750 manat” yazılı qiymət kağızını “550 manat”la əvəz edir.

- Nə əcəb birdən-birə qiymətləri belə ucuzlaşdırdınız? – deyə alıcı soruşur.

Satıcının cavabı:

- Yeni il endirimləri bitdiyi üçün.

***

Şaxta Babaya məktub: “Salam, qoca kaftar! Mən sənə artıq iki ildir ki, inanmıram!”

Əli Musayev, 47 yaş.

***

Bayram süfrəsi arxasında qadın ərinə şikayətlənir:

- Axı mən it dərisindən yox, su samuru xəzindən kürk istəyirdim?

Əri həyat yoldaşını sakitləşdirməyə çalışır.

- Su samuru ili olanda alaram.

***

- Yeni ili harda keçirirsiz?

- Heç vaxt yadımda qalmır. Sərxoş oluram.

***

Hər il Yeni il qabağı arvad ərini hədələyir:

- Yeni ildən içkini tərgidəcəksən, bildin?

Kişi gülümsəyərək fikirləşir: “Hardasa 15 ildir ki, evliyik, hələ də optimizmini itirməyib”.

***

Yaşlı bir xalq artistindən soruşurlar:

- Ustad, Yeni il yaxşıdı, yoxsa seks?

Cavab:

- Yeni il!

Sual:

- Nədən?

Cavab:

- Yeni il tez-tez olur...

• İğdırda Alim Qasımovun konserti keçiriləcək
• “Yuğ” Teatrının yaradıcı kollektivi Estoniyada
• Məhkəmə Sərdar Ortaçla bağlı qərar verdi