Milli Orduya həsr olunmuş sərgi keçiriləcək

Milli Orduya həsr olunmuş sərgi keçiriləcək
22 iyun 2018
# 11:17

Milli Azərbaycan Tarixi Muzeyində Azərbaycan Ordusunun 100 illiyinə həsr olunmuş sərgi keçiriləcək.

Kulis.az-ın verdiyi xəbərə görə, “Ordum varsa, yurdum var!” adlanan sərgidə Azərbaycan döyüşçülərinin nadir hərbi uniformaları, aksessuar və ləvazimatlar nümayiş olunacaq.

Sərgilənən eksponatları arasında ilk dəfə olaraq SSRİ Silahlı Qüvvələrinin Həsən gölü və Xalxin-Qol döyüşləri, Sovet-Fin müharibəsi dövrünün avto-zirehli qoşunları leytenantının tam uniforması nümayiş olunacaq. Xatırladaq ki, Qızıl Ordu tərkibində xidmət edən azərbaycanlılar 1937-1940-cı illərdə adı çəkilən döyüşlərdə iştirak etmiş, orden və medallarla təltif olunmuşdular.

Həmçinin sərgidə ilk dəfə olaraq Sovet İttifaqı Qəhrəmanı, polkovnik Aslan Vəzirovun komandiri olduğu 1-ci qvardiya həmlə mühəndis-istehkam briqadasının qızıl əsgərinin tam uniforması və hərbi ləvazimatı tamaşaçılara təqdim ediləcək.

Sərgidə ilk dəfə olaraq nümayiş olunan eksponatlardan biri də Qafqazdan Berlinədək döyüş yolu keçmiş, Berlinin rəmzi sayılan Brandenburq darvazalarına al bayraq sancmış milli Azərbaycan hərbi hissəsi olan 416-cı atıcı Taqanroq Qırmızıbayraqlı, Suvorov ordenli diviziyasının mayorunun tam uniformasıdır. Nümayiş olunacaq uniforma və ləvazimat Azad Hüseynovun fərdi kolleksiyasından sərgi üçün təqdim olunub.

# 1383 dəfə oxunub

Oxşar xəbərlər

Elton Con korluğundan danışdı: "Oğullarımla idman yayımları izləyə bilmirəm"

Elton Con korluğundan danışdı: "Oğullarımla idman yayımları izləyə bilmirəm"

16:00 5 aprel 2025
"Bu adamları kim işə götürüb?" - Mədəniyyət Nazirliyinin müəllim qalmaqalı

"Bu adamları kim işə götürüb?" - Mədəniyyət Nazirliyinin müəllim qalmaqalı

15:06 5 aprel 2025
İnqilabçı sevgi şeiri yazarmı? - Qismət Rüstəmov

İnqilabçı sevgi şeiri yazarmı? - Qismət Rüstəmov

13:17 5 aprel 2025
Asəf Zeynallı kimdir?

Asəf Zeynallı kimdir?

13:00 5 aprel 2025
Lənkəran Dövlət Teatrına yeni təyinat

Lənkəran Dövlət Teatrına yeni təyinat

12:01 5 aprel 2025
Şuşa Teatrına yeni təyinat

Şuşa Teatrına yeni təyinat

10:43 5 aprel 2025
# # #