Azərbaycan Dövlət Gənc Tamaşaçılar Teatrının aktyoru, Xalq artisti Yasin Qarayev işlədiyi teatrın "Akademik" status almamasına münasibət bildirib.

Kulis.az xəbər verir ki, aktyor bu barədə feysbuk hesabında yazıb.

“Keçən mövsüm Mehriban xanım Ələkbərzadənin bizim teatrda hazırladığı "V.X.A" tamaşasının məşqləri fasiləsiz, naharsız 8, bəzən də 10 saata yaxın davam edirdi. Düzdür, nəticə çox uğurlu və ürəkaçan oldu.Və tamaşaçılar dörd saatdan artıq davam edən tamasanı çox rahat və sevərək qarşıladılar. Bu öz yerində. Məni bir məsələ düşundürür. Çox çətin və gərgin iş rejimində işləyən və uğurlar qazanan bu teatrın hələ də heç bir statüsü yoxdur? Məsələn, Milli, Akademik v.s. Görəsən axı, nəyə görə yoxdur?”

• "Oskar" mükafatının aparıcısı açıqlandı
• Nazir onun anasından xahiş etmişdi ki... - Vaqif Mustafazadənin ürəyini necə partlatdılar?
• "Harri Potter"in "Severus Sneyp"i o olacaq

Onun fikirlərinə həmkarı, Xalq artisti Naibə Allahverdiyeva münasibət bildirib.

“Gənc Tamaşaçılar Teatrının tamaşalarının 90% -i Akademik səviyyədə olan tamaşalardır. Hətta, elə olub ki, başqa teatrların rejissorları bizim tamaşalardan bəhrələniblər, o üslubda öz teatrlarında tamaşa qoyublar. Gənc Tamaşaçılar Teatrı çoxdan Akademik statusa layiqdir və bu həm maddi, həm mənəvi cəhətdən aktyorlarımıza dəstəkdir. Çünki Akademik statusu olan teatrın aktyorları bizim aktyorlardan qat-qat artıq maaş alırlar. Sağlıqlarına qismət. Sözün açığı, teatrımızın heç bir statusa malik olmaması məni incidir”,- deyə o bildirib.

• "Oskar" mükafatının aparıcısı açıqlandı
• Nazir onun anasından xahiş etmişdi ki... - Vaqif Mustafazadənin ürəyini necə partlatdılar?
• "Harri Potter"in "Severus Sneyp"i o olacaq