“Devin Medya Akademi”nin fırıldaqçılıq etməsi ilə bağlı iddialar yayılıb.
Kulis.az xəbər verir ki, bu barədə məlumat sosial şəbəkələrdə paylaşılıb.
Belə ki, “Devin Medya Akademi” film çəkilişləri üçün həvəskar şəxslər axtarıldığına dair elan paylaşıb. Bu elanı görüb müraciət edən şəxslərdən vatsap qrupuna əlavə olunmaları üçün 20 manat tələb olunub. Sonrakı prosesdə isə 3 aylıq kurs üçün 600 manat ödənilməsi tələbi irəli sürülüb.
Şikayətçi olan şəxslər qrupda 871 nəfərin olduğunu qeyd edirlər. 871 nəfərin hər birindən qrupa əlavə edilməsi üçün 20 manat pul alınıb.
Qeyd edək ki, “Devin Medya Akademi”nin yaydığı elanda Həmidə Ömərova, Pərviz Malik kimi ustadların dərs verəcəyi bildirilib.
Həmidə Ömərovanın sözlərinə görə, yayda bir oğlan onunla əlaqə saxlayıb. Deyib ki, belə bir kurs açılır və onu orda dərs deməyə dəvət ediblər. O da bildirib ki, çəkilişləri olduğu üçün vaxtı yoxdur. Təkliflərini qəbul etməyib. O zamandan bəri isə onlarla əlaqə saxlamayıb. Əvvəlcədən kimlərdənsə pul alınması barədə məlumatı yoxdur.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər