Heydər Əliyev Sarayında klarnet-saksofon ifaçısı, dirijor, bəstəkar, Xalq artisti Tofiq Əhmədovun anadan olmasının 100 illik yubileyi münasibətilə konsert keçirilib.
Kulis.az xəbər verir ki, yubiley gecəsində Tofiq Əhmədov yaradıcılığının bütün istiqamətlərini əhatə edən - onun həm məşhur əsərləri, həm də az tanınan bəstələri uzun illərdən sonra ilk dəfə səslənib.
Konsertdə həmçinin, dahi bəstəkarlarımız Ü. Hacıbəyli, Niyazi, F. Əmirov, Q. Qarayev, T. Quliyev, R.Hacıyev və E. Sabitoğlunun sevimli əsərləri Rəşid Behbudov adına Azərbaycan Dövlət Mahnı Teatrının Estrada-simfonik orkestrinin dirijoru, Əməkdar incəsənət xadimi Vasif Axundov və dirijor Elbəy Məmmədzadənin yeni işləmələrində maraqlı aranjimanlarda təqdim olunub.
Gecədə Rəşid Behbudov adına Azərbaycan Dövlət Mahnı Teatrının Estrada-simfonik orkestri, Xalq artistləri Ənvər Sadıqov (“Qaytağı” ansamblı), Salman Qəmbərov (“Bakustic Jazz” qrupu), Natəvan Şeyxova eləcə də tanınmış ifaçılar - İlhamə Qasımova, Aynur İsgəndərli, Nigar Cəlilova, Rövşən Qəhrəmanovun ifaları tamaşaçılara unudulmaz emosiyalar bəxş edib.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər