İrəvan Dövlət Azərbaycan Dram Teatrının sabiq aktyoru Əjdər Zeynalov teatrın direktoru İftixar Piriyevi sərt tənqid edib.

Kulis.az Qaynarinfo-ya istinadən xəbər verir ki, aktyor direktoru ömrünü sənətə, teatra həsr edən sənətkarların qatı düşməni adlandırıb:

"Bu insan Azərbaycan qanunlarını saymır, ələ salıb gülür...Deyir ki, hər şeyin pul ilə həll oluduğu ölkədə heç nədən qorxmuram. Bu insanın bütün düşüncələri dövlət əleyhinədir".

Xalq artisti Ramiz Məlik də Əjdər Zeynalovu dəstəkləyib:

"Araşdırın, görün haralarda işləyib, nə hoqqalardan çıxıb? O, pulgir, rüşvətxor, quldur təfəkkürlü, Azərbaycan mədəniyyətinin üz qarasıdır. Onun İrəvan Teatrının yaranmasında heç bir əməyi olmayıb”.

Məsələ ilə bağlı İrəvan Dövlət Azərbaycan Dram Teatrının direktoru İftixar Piriyev də fikir bildirib:

"Mənə onunla bağlı heç bir sual verməyin. Ramiz Məliklə bağlı bütün sulları Xalq artisti Məleykə Əsədovaya ünvanlayın. Nə yazıb, özü bilər. Mən ona heç bir fikir bildirməyəcəyəm”.

Direktor Əjdər Zeynalovun sosial şəbəkədə yazdığı ağır ittihamlara da cavab verib:

"Mən heç kəsin fikirlərinə münasibət bildirmirəm. Mənim üçün onlar yox, Allahın həqiqəti maraqlıdır. Qərəzli fikirlərə münasibət bildirmirəm. İndi demokratiyadır, kim nə istəyir, deyir. Bizi tanıyan bilir ki, həqiqət belə deyil. Amma deyirlərsə, qoy həqiqəti desinlər”.

• Fantastika sevərlərə şad xəbər: “Highlander” filminə daha bir ulduz qoşuldu
• "Üzeyir Hacıbəyovun şəxsiyyəti mənim üçün qaranlıqdır" - Məqsədləri onu şərləyib tutdurmaq idi...
• "Bu hekayə qarpız alverçilərinin etdiyi söhbətləri xatırlatdı mənə" – MÜZAKİRƏ