Venesuela ədəbiyyatı Azərbaycanda tanıdılacaq

Venesuela ədəbiyyatı  Azərbaycanda tanıdılacaq
22 fevral 2024
# 17:00

Dövlət Tərcümə Mərkəzində Venesuela Bolivar Respublikasının Azərbaycandakı fövqəladə və səlahiyyətli səfiri Kristofer Alberto Martinez Berroteran ilə görüş keçirilib.

Kulis.az xəbər verir ki, tədbirdə Venesuela ədəbiyyatının Azərbaycanda tanıdılması istiqamətində nəzərdə tutulan tərcümə və nəşr layihələri, ölkələrarası ədəbi əlaqələrin genişləndirilməsi, görüləcək işlər barədə fikir mübadiləsi aparılıb.

Görüşdə, həmçinin Venesuelanın klassik və müasir ədəbiyyatının Azərbaycan ədəbi ictimaiyyətinə çatdırılmasının əhəmiyyətini vurğulayan səfir deyib: “Nəzərdə tutulan tərcümə layihələrinə ilkin olaraq tanınmış Venesuela şairi Ana Maria Oviedo Palomaresin şeirlər toplusunun Azərbaycan dilinə tərcüməsi və nəşri ilə başlanılmasına dair istək və arzularımız var. Çox istərdik ki, zəngin Venesuela ədəbiyyatı Azərbaycan ədəbiyyatı ərazisinə daxil olsun. Kitab yaxın müddətdə Azərbaycanda keçiriləcək Venesuela Respublika Gününə əlamətdar töhfə olacaq. Azərbaycan-Venesuela ədəbi əlaqə və mübadilələrinin təşkili və inkişafı istiqamətində perspektiv layihələrin Venesuela Mədəniyyət Nazirliyi və Venesuela Tərcümə Mərkəzi ilə sıx əməkdaşlıq çərçivəsində həyata keçirilməsi vacib hadisədir”.

Tədbirin sonunda səfir Dövlət Tərcümə Mərkəzinə Venesuelanın görkəmli siyasi xadimi Uqo Caves Friasın “Göy kitab” adlı kitabını hədiyyə edib.

# 292 dəfə oxunub

Oxşar xəbərlər

Hamı bir nöqtədə - İtalo Kalvinonun hekayəsi

Hamı bir nöqtədə - İtalo Kalvinonun hekayəsi

17:00 21 aprel 2024
Oyunbazı Allah kimi qarşılayanlar - İnsan niyə özünə hörmət eləmir?

Oyunbazı Allah kimi qarşılayanlar - İnsan niyə özünə hörmət eləmir?

12:00 21 aprel 2024
"Bakını görmək ona qismət olmadı..." - Səlim Turan haqqında

"Bakını görmək ona qismət olmadı..." - Səlim Turan haqqında

10:00 21 aprel 2024
Gəlin, fəlsəfələyək: Şər ölməzdirmi? – Video

Gəlin, fəlsəfələyək: Şər ölməzdirmi? – Video

21:32 20 aprel 2024
Bakıda Qırğız Mədəniyyəti Günləri  keçiriləcək

Bakıda Qırğız Mədəniyyəti Günləri keçiriləcək

16:40 20 aprel 2024
Moskvada Tağıyevin xatirə gecəsi keçirildi

Moskvada Tağıyevin xatirə gecəsi keçirildi

16:00 20 aprel 2024
#
#
# # #