V Sevil Beynəlxalq Qadın Sənədli Film Festivalı keçiriləcək

V Sevil Beynəlxalq Qadın Sənədli Film Festivalı keçiriləcək
13 iyun 2024
# 16:20

V Sevil Beynəlxalq Qadın Sənədli Film Festivalının keçiriləcəyi tarix açıqlandı.

Kulis.az xəbər verir ki, V Sevilfest 5-12 iyul tarixlərində, eyni anda Bakı, Şəki, Lənkəran və Şabran şəhərlərində baş tutacaq.

Bu il də festival tamaşaçılarını zəngin və çoxşaxəli proqram gözləyir. Hər il olduğu kimi yerli qısametraj sənədli film, beynəlxalq qısametraj sənədli film, uzunmetraj sənədli film kateqoriyalarında yarışacaq müsabiqə filmlərinin nümayiş ediləcəyi festivalda xüsusi bir bölmə olaraq yer alan "Festivallardan seçmələr" bölməsi dünya festivalları laureatı filmləri Azərbaycan tamaşaçısı ilə görüşdürəcək.

Festival bu il də bir çox beynəlxalq xarici qonağa ev sahibliyi edəcək, dünya kino sənayesinin peşəkarları tərəfindən ustad dərsləri keçiriləcək, müxtəlif mövzularda panel müzakirələr baş tutacaq.

Sevil Beynəlxalq Qadın Sənədli Film Festivalı 2020-ci ildən fəaliyyət göstərən müstəqil sənədli filmlər festivalıdır.

Festivalın əsas məqsədi incəsənət və sənədli filmlər vasitəsilə gender əsaslı problemlərə fərqindəliyi artırmaqdır.

Festival dünyanın hər yerindən bəyənilən filmləri Azərbaycan tamaşaçılarına təqdim edir və onları müxtəlif gender əsaslı problemlər ətrafında ictimai müzakirəyə cəlb edir.

Müxtəlif beynəlxalq əməkdaşlıqlar, qonaq və ekspertlərlə əlaqəni təmin edən festival yerli və beynəlxalq sənətçilər üçün qısa və tammetrajlı müsabiqələr təşkil etməklə yerli kino sənətini təbliğ edir. Həmçinin, festival paralel olaraq 4 şəhərdə – Bakı, Şəki, Lənkəran və Şabranda təşkil olunur.

Festival qadınlar və təmsil olunmayan qruplar üçün təhlükəsiz və inklüziv məkan yaratmaq, onların iştirakını və ölkədə sənədli film sənayesinə töhfələrini artırmaq istiqamətində fəal işləyir. Nümayişlər, müzakirələr və digər fəaliyyətlər vasitəsilə Sevilfest sənədli film sektorunun təkmilləşməsini və inkişafını, xüsusən də, marjinal hesab edilən kinorejissorların səslərini dəstəkləmək və gücləndirməklə təşviqat məqsədi daşıyır.

# 1219 dəfə oxunub

Oxşar xəbərlər

"Məni öldüyümə əmin olmamış dəfn etməyin!" - Onun intiharının arxasında kimlər var idi?

"Məni öldüyümə əmin olmamış dəfn etməyin!" - Onun intiharının arxasında kimlər var idi?

15:00 31 avqust 2025
Əfqanıstandan Bakıya - Heydər Əliyevin göstərişi ilə əsərləri 100 min tirajla nəşr olunan yazıçı

Əfqanıstandan Bakıya - Heydər Əliyevin göstərişi ilə əsərləri 100 min tirajla nəşr olunan yazıçı

12:00 31 avqust 2025
"Ona yanıram ki...." - Araza qarışan göz yaşları

"Ona yanıram ki...." - Araza qarışan göz yaşları

21:08 30 avqust 2025
İstanbulun ən məşhur sarayları

İstanbulun ən məşhur sarayları

12:00 30 avqust 2025
Sabiq teatr direktoru həbs olundu

Sabiq teatr direktoru həbs olundu

11:54 30 avqust 2025
Xalq artistinin teleqramı oğurlandı

Xalq artistinin teleqramı oğurlandı

11:14 30 avqust 2025
Ana səhifə Yazarlar Bütün xəbərlər