Uşaqlar üçün tapmaca şeirləri

Uşaqlar üçün tapmaca şeirləri
4 mart 2023
# 16:00

Kulis.az Əyyub Türkay uşaqlar üçün tapmaca şeirlərini təqdim edir.


Yaşıl topa bənzəyir,
Kim biləcək adını?
Kəssən içi qırmızı,
Yeyən bilər dadını.

(qarpız)

***

Yapışıb bir -birinə,
Bir yumruğa bənzəyir.
Dadı yaman acıdır,
Yeməkləri bəzəyir.

(sarımsaq)

***

Suya qatsalar məni,
Dadı şirin olacaq.
Özüm də toz kimiyəm,
Baxın, rəngim ağappaq.

(şəkər tozu)

***

Sudadır onun canı,
Ordan çıxsa öləcək.
Qarmağı suya atsan,
Tez yaxına gələcək.

(balıq)


***

Meyvələrdir qidası,
Bir kürkü var tikanlı.
Özün onla qoruyur,
Tapın nədir bu canlı?

(kirpi)

***

Sinəsi qapqaradır,
Ləçəkləri qırmızı.
Onun adın daşıyır,
Bizim qonşunun qızı.

(lalə)

***

Hərdən boylanıb baxır,
Bir balaca deşikdən.
Gəmirməkdir adəti,
Qorxusu var pişikdən.

(siçan)

***

Yayda xeyli əlləşir,
Ehtiyat yığır qışa.
Özündən ağır yükü,
Rahat qaldırır başa.

(qarışqa)

***

Qışda bir yorğan kimi,
Örtər torpaq üstünü.
Ağ pambıqdır elə bil
Qəti sevmir istini.

(qar)


***

Otuz iki ədədik,
Biz hamımız birlikdə.
Yığılıb düzülmüşük,
Ağız adlı dəlikdə.

(diş)

***

Biz birlikdə dörd qardaşıq, söyləyim
Biri gələr, şaxta, boran, qar ilə.
Biri gələr, istisi qızmar ilə,
Biri isə soyuq, külək, xəzanla
Biri gələr, gül-çiçəkli bar ilə.

(fəsillər)

***

O qoç deyil,
Var buynuzu.
Öləcəkdir,
Töksən duzu.

(ilbiz)


# 73099 dəfə oxunub

Oxşar xəbərlər

Türkiyə İş Bankı Muzeyi 3,5 milyondan çox ziyarətçi qəbul etdi

Türkiyə İş Bankı Muzeyi 3,5 milyondan çox ziyarətçi qəbul etdi

18:42 16 noyabr 2026
Ağ Evdən böyük olan İsa Kilsəsinin döşəməsi aşkar edildi

Ağ Evdən böyük olan İsa Kilsəsinin döşəməsi aşkar edildi

18:17 16 noyabr 2026
Yeni "Harry Potter" serialı  etirazlara səbəb oldu

Yeni "Harry Potter" serialı etirazlara səbəb oldu

17:32 16 noyabr 2026
“R.E.M.”dən 25 il sonra musiqi hədiyyəsi: “Reveal”

“R.E.M.”dən 25 il sonra musiqi hədiyyəsi: “Reveal”

16:57 16 noyabr 2026
Cinsi zorakılıqda təqsirləndirilən aktyor apellyasiya şikayətini geri götürdü

Cinsi zorakılıqda təqsirləndirilən aktyor apellyasiya şikayətini geri götürdü

16:24 16 noyabr 2026
Azərbaycanın "Şur" muğamı kosmosda

Azərbaycanın "Şur" muğamı kosmosda

16:12 16 noyabr 2026
Ana səhifə Reels Yazarlar Xəbərlər