Saytımızın əməkdaşı Ümid Nəccarinin “Oktyabr gülləsi” şeiri Amerikanın məşhur “Spillwords” ədəbiyyat və incəsənət saytının manşetində dərc edilib.
Kulis.az xəbər verirki, Ümid Nəccarinin bu şeiri İranda aksiyalarda ölən qadınlara həsr edilib.
https://spillwords.com/an-october-bullet/
Şeirin orijinal variantı:
İranın qorxmaz qadınlarına
Bir Oktyabr gülləsi
sıxılmışdı payızın qafasına.
qan rəngində yerə sərilmiş yarpaqlar...
sürgün şair yazırdı şeirini
ciblərinin acığına...
Ölüm dadı verirdi,
masa üstündə soyuyan bir fincan qəhvə.
Ölümün səsi idi,
müharibədə uçuq damın altında qalan skripka.
Ölümün şəkli idi,
Zirzəmidə illərcə kimsəni göstərməyən güzgü...
Və ölümün özü idi
Gecə sonuncu avtobusun içində yuxuya getmiş işçi...
Oktyabr idi,
qan rəngində yerə sərilmiş yarpaqlar...
sürgün şair yazırdı şeirini
ciblərinin acığına...
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər