Ulu Öndərin İstanbuldakı abidəsi ziyarət olundu

Ulu Öndərin İstanbuldakı abidəsi ziyarət olundu
12 dekabr 2023
# 15:20

Azərbaycanın ümummilli lideri Heydər Əliyevin vəfatının 20-ci ildönümü ilə əlaqədar dekabrın 12-də Ulu Öndərin İstanbulun Sarıyer rayonundakı Heydər Əliyev Parkında ucaldılan abidəsi ziyarət olunub.

Kulis.az xəbər verir ki, APA-nın Türkiyə müxbirinin verdiyi məlumata görə, tədbirdə Azərbaycan İstanbuldakı baş konsulu Nərminə Mustafayeva, İstanbulun Sarıyer bələdiyyəsinin sədri Şükrü Genc, qardaş ölkədə təhsil alan və təlimdə olan hərbçilərimizin, Sarıyer bələdiyyəsinin, konsulluğun və Türkiyədə fəaliyyət göstərən Azərbaycanın dövlət təşkilatlarının əməkdaşları, diplomatlar, rəsmi şəxslər, ziyalılar, KİV-lərin və QHT-lərin nümayəndələri iştirak ediblər.

Anım mərasimində çıxış edən baş konsul Nərminə Mustafayeva Heydər Əliyevin yalnız Azərbaycan üçün deyil, bütün türk dünyasının əvəzedilməz dahi bir şəxsiyyəti olduğunu deyib.

“Ulu öndər Heydər Əliyevin Azərbaycanın ən çətin dövründə atdığı addımlar bugünkü güclü Azərbaycanın əsas təməlləridir” - deyə konsul bildirib.

Şükrü Genç ümummilli lider Heydər Əliyevin türk birliyi adına ayrı bir yeri olduğunu qeyd edib.

Anım tədbirində Ulu Öndərin xatirəsi ehtiramla yad edilib, abidəsi önünə əklillər və gül dəstələri qoyulub.

Tədbir iştirakçıları Türkiyə Respublikasının banisi Mustafa Kamal Atatürkün bu ərazidəki büstünü də ziyarət edərək önünə gül dəstələri qoyublar.

# 2036 dəfə oxunub

Oxşar xəbərlər

Yeni "Harry Potter" serialı  etirazlara səbəb oldu

Yeni "Harry Potter" serialı etirazlara səbəb oldu

17:32 16 noyabr 2026
“R.E.M.”dən 25 il sonra musiqi hədiyyəsi: “Reveal”

“R.E.M.”dən 25 il sonra musiqi hədiyyəsi: “Reveal”

16:57 16 noyabr 2026
Cinsi zorakılıqda təqsirləndirilən aktyor apellyasiya şikayətini geri götürdü

Cinsi zorakılıqda təqsirləndirilən aktyor apellyasiya şikayətini geri götürdü

16:24 16 noyabr 2026
Azərbaycanın "Şur" muğamı kosmosda

Azərbaycanın "Şur" muğamı kosmosda

16:12 16 noyabr 2026
“Rock & Roll Hall of Fame” gecəsində U2-nin sürprizi

“Rock & Roll Hall of Fame” gecəsində U2-nin sürprizi

15:57 16 noyabr 2026
Bakıda otura-otura Zəfər romanını necə yazmaq olar, yaxud pioner düşərgəsindən - Reportaj

Bakıda otura-otura Zəfər romanını necə yazmaq olar, yaxud pioner düşərgəsindən - Reportaj

15:00 16 noyabr 2026
#
#
Ana səhifə Reels Yazarlar Xəbərlər