“Ulduz"un sentyabr nömrəsi çap olundu

“Ulduz"un  sentyabr nömrəsi çap olundu
14 sentyabr 2023
# 10:25

"Ulduz" ədəbiyyat dərgisinin sentyabr nömrəsi işıq üzü görüb.

Kulis.az xəbər verir ki, jurnal Günel Mehrinin "Özüylə söhbəti" və "Doğum günü" hekayəsi ilə açılır.

"Şeir vaxtı" rubrikasında Seyid Aynur, Ceyhun Ötkəm, Aydın Arslan, İnqilab Orxan, Xuraman Hüseyn, Süleyman Abdulla və Sevinc Yunuslu kimi müəlliflərin poeziya nümunələri yer alıb.

"Nəsr" rubrikasında isə Anar Adilin "Səmadan məktub", Kənan Hacının "Buynuz qəziyyəsi", Bəhruz Niftəliyevin "Bətn və batin", Aysel Fikrətin "Kaktus" və "Məscidin dəlisi", Nurlana İşığın "Burulğan" hekayələri, eləcə də Əlizadə Nurinin "Ver sözə ehya ki..." essesi dərc edilib. "Təbriz eli" rubrikasında Əli Çağlanın "Liman" hekayəsi təqdim olunur. "Tərcümə saatı"nda yer almış ABŞ yazıçısı Barbara Uolkerin "Dişi canavar" hekayəsini Bakı Dövlət Universitetinin ikinci kurs tələbəsi Alsu orijinaldan tərcümə edib.

"Yazı masası"nın növbəti qonağı bu günlərdə 60 yaşını qeyd edən tənqidçi, filologiya üzrə fəlsəfə doktoru, "Ədəbiyyat qəzeti"nin baş redaktoru Azər Turandır. Professor Rüstəm Kamalın "Azər Turan: Məfkurənin və Sözün işığı" essesi də yubilyarın çoxşaxəli yaradıcılğına işıq tutur.

"Ulduz" jurnalı ilə "525-ci qəzet"in ortaq layihəsi çərçivəsində ərsəyə gələn və Məti Osmanoğlunun təqdimatında hazırlanan "Gənc yazarlar üçün nəzəriyyə dərsi" bu dəfə Konstantin Balmontun "Poeziya sehr kimi" traktatına, ümumilikdə isə simvolizm ədəbi cərəyanına həsr edilib.

Filologiya üzrə fəlsəfə doktoru Elnarə Qaragözovanın "Çağdaş nəsrimizin yeni imzaları "Ulduz"un şəfəqləri altında" sərlövhəli yazısında, "Ulduz" jurnalının iyun sayında dərc edilmiş ədəbi nümunələr təhlil edilir. Nəhayət, "Dərgidə kitab"da Xalq yazıçısı Natiq Rəsulzadənin "Əminə" uzun hekayəsi, "Dərgidə sərgi"də isə Dəniz Bəhruzlunun rəsm nümunələri yer alıb.

# 1485 dəfə oxunub

Oxşar xəbərlər

Daha bir aktrisa rol aldığı serialdan qovuldu

Daha bir aktrisa rol aldığı serialdan qovuldu

17:15 3 aprel 2025
Sənət dünyasının sevgi əfsanəsi - Balaca qızları çəkiliş qrupuna kim götürür?

Sənət dünyasının sevgi əfsanəsi - Balaca qızları çəkiliş qrupuna kim götürür?

17:00 3 aprel 2025
Nesrin Cavadzadə də etirazlara qoşuldu

Nesrin Cavadzadə də etirazlara qoşuldu

16:30 3 aprel 2025
Həsən Kür xəstəxanadan evə buraxılıb: yeriyə bilmir, yaddaş pozuntusu var...

Həsən Kür xəstəxanadan evə buraxılıb: yeriyə bilmir, yaddaş pozuntusu var...

16:00 3 aprel 2025
“Zəfər dastanı: Çanaqqaladan Qarabağa” adlı qala-konsert təşkil olunacaq

“Zəfər dastanı: Çanaqqaladan Qarabağa” adlı qala-konsert təşkil olunacaq

15:45 3 aprel 2025
Firəngiz Mütəllimovanın “Varlı qadın”la benefisi

Firəngiz Mütəllimovanın “Varlı qadın”la benefisi

15:00 3 aprel 2025
# # #