Türkiyədə İnstagram sosial şəbəkəsindən sonra TikTok-a girişin bloklanması müzakirə olunur.

Kulis.az-ın xəbərinə görə, Türkiyə Böyük Millət Məclisinin Rəqəmsal Media Komissiyasının sədri Hüseyin Yayman deyib ki, "Türk xalqı Tik tokun bloklanmasını istəyir.

"TikTok Türkiyənin milli təhlükəsizlik məsələsidir. Oradakı paylaşmalar o qədər qəribə və reallıqdan uzaqdır ki, onları qəbul etmək mümkün deyil. Millətimiz TikTokun bağlanmasını istəyir".

Sədr deyib ki, komissiya olaraq, TikTok-un bağlanması və ya girişə qadağa qoyulması ilə bağlı rəsmi mövqe yoxdur: “Amma komissiya sədri kimi məndən soruşsanız, cavabım budur ki, siyasət millətlə birgə aparılır. Millətimiz TikTok-un bağlanmasını istəyir".

Yayman qeyd edib ki, Hatay, Ankara, Adana, Mersin və İstanbulda qarşılaşdığı vətəndaşlar TikTokdan şikayətlənib: “Mən özüm TikTokdan istifadə etmirəm. Küçədə məni görən insanlar deyirlər ki, bu TikTok-u bağlasan, cənnətin qapısını açacaqsan. TikTok haqqında çox ciddi tənqidlər və ciddi sayda şikayətlər var. Təəssüf ki, TikTok şeytanın vəkili rolunu oynayır və TikTok postları indi cəmiyyətdə nifrət obyektinə çevrilib. Hətta yaşlı insanlar belə çox irrasional, absurd və mənasız postlar paylaşır. Mən bunları azadlıq sahəsi kimi görmürəm. Mən buranı yerli və milli dəyərlərdən yox, bəşəri dəyərlərdən tamamilə uzaqlaşmış, ümumbəşəri dəyərlərdən total ayrılıq və böyük bir yadlaşma kimi görürəm. Bunları qəbul etmək mümkün deyil".

• Təhlükəli ipucları - Faruk Ulayın hekayəsi
• "Google"un süni intellekti beş yeni dil öyrəndi
• Rəsul Rzanın əsərindəki qəhrəmanın adını daşıyan görkəmli aktrisa - O, kimin arzusu ilə səhnəyə çıxmışdı?