Qazaxıstan Mədəniyyət və İdman Nazirliyi türkdilli xalqların qədim adət-ənənələri əsasında animasiyalı almanax hazırlayacaq.
Kulis.az xəbər verir ki, bu barədə idarənin mətbuat xidməti məlumat yayıb.
"Mədəniyyət və İdman Nazirliyi yanında "Kazakhanimation" yaradıcılıq birliyi türkdilli xalqların qədim əfsanələri əsasında cizgi almanax çəkməyi planlaşdırır. Layihə çərçivəsində ən azı 5 dəqiqəlik yayım müddəti olan ən azı 10 cizgi filmi çəkiləcək. Cizgi almanaxın 2023-cü ildə buraxılması gözlənilir”, - deyə məlumatda qeyd olunub.
Artıq ssenari müsabiqəsi elan olunub. Yaradıcılıq müsabiqəsində türkdilli xalqların qədim əfsanələri, böyük şəxsiyyətlər, türk padşahları, müqəddəs heyvanlar haqqında rəvayətlər, müxtəlif yer adları, türkdilli xalqlar üçün ortaq bayramlar və milli oyunlarla bağlı əsərlər iştirak edə bilər.
Studiyalar 10 ən yaxşı layihəni seçəcək və sonra onların açıq müdafiəsi keçiriləcək. “Biz iştirakçılardan elan olunmuş mövzuya uyğun yüksək bədii dəyərə malik əsərlər gözləyirik”, - deyə “Kazakfilm” kinostudiyasının vitse-prezidenti Serik Abışev bildirib.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər