Türk dünyasının dil birliyinə dəyərli töhfə

Türk dünyasının dil birliyinə dəyərli töhfə
17 yanvar 2025
# 15:10

Qarabağ Universitetinin Elm şöbəsinin müdiri, filologiya elmləri doktoru Elçin İbrahimovun “Türk dünyasında ortaq əlifba və ünsiyyət dili” adlı kitabı Türkiyədə nəşr olunub.

Kulis.az xəbər verir ki, kitabda türklər arasında əlifba və ünsiyyət problemləri müasir türkologiya elmi baxımından xüsusi əhəmiyyətli bir mövzu kimi təqdim edilir. Türk dünyasında ortaq ünsiyyət dili ilə bağlı müəyyən irəliləyişlər əldə edilsə də, əlifba və imla problemlərinə dair sistemli və hərtərəfli yanaşmanın hələ də formalaşdırılmaması diqqətə çatdırılır. Müəllif vurğulayır ki, mədəni birliyin təmin edilməsi üçün ilk növbədə ortaq əlifba və orfoqrafiya qaydalarının hazırlanması zəruridir.

Kitabda Türk dünyasında ortaq əlifbanın qəbul edilməsinin əhəmiyyəti geniş təhlil olunur. Bu yanaşmanın Türk xalqları arasında qarşılıqlı anlaşmanı gücləndirəcəyi, inteqrasiya proseslərini sürətləndirəcəyi və elmi-tədqiqat işlərinin daha effektiv şəkildə koordinasiyasına töhfə verəcəyi qeyd edilir. Ortaq əlifba təkcə Türk xalqlarının birliyinə deyil, həm də Türk dilinin beynəlxalq miqyasda daha geniş yayılmasına və türkologiya elminin qlobal səviyyədə təsir imkanlarının artmasına şərait yaradacaq.

Türk dünyasında əlifba və imla problemlərinin həlli sadəcə dil məsələsi olmaqdan çıxaraq, həm də mədəni və strateji bir yanaşma kimi böyük əhəmiyyət kəsb edir. Müəllif qeyd edir ki, türklər arasında ortaq yazı sisteminin formalaşdırılması dildəki müxtəlifliyi qorumaqla yanaşı, bu müxtəlifliyin vahid bir platformada birləşdirilməsini də nəzərdə tutur.

Kitabın elmi redaktoru tanınmış türkoloq alim, professor Şükrü Haluk Akalındır. Nəşr Avrasiya Yazarlar Birliyinin Bengü nəşriyyatı tərəfindən çap olunub. Bu əsər Türk dünyasının birliyini gücləndirmək üçün dil və mədəniyyət sahəsində atılacaq addımlara dəyərli bir töhfə kimi qiymətləndirilə bilər.

# 1094 dəfə oxunub

Oxşar xəbərlər

Rəhim Əliyev:  "Oğluma inamım böyükdür" - Açıqlama

Rəhim Əliyev: "Oğluma inamım böyükdür" - Açıqlama

18:35 7 fevral 2025
Kreml:  "Bakıdakı “Rus Evi”nin bağlanması ilə bağlı qərar veriləcək"

Kreml: "Bakıdakı “Rus Evi”nin bağlanması ilə bağlı qərar veriləcək"

18:14 7 fevral 2025
Yazıçı Rəhim Əliyevin oğluna yüksək vəzifə verildi

Yazıçı Rəhim Əliyevin oğluna yüksək vəzifə verildi

17:04 7 fevral 2025
Yaşamaq, şübhəsiz ki, budur! - Ülvi Babasoy

Yaşamaq, şübhəsiz ki, budur! - Ülvi Babasoy

17:00 7 fevral 2025
Kanye Uest Diddinin azadlığa buraxılmasını istəyir

Kanye Uest Diddinin azadlığa buraxılmasını istəyir

16:45 7 fevral 2025
Çexov mənə nə demək istəyir? – Oğuz Ayvaz

Çexov mənə nə demək istəyir? – Oğuz Ayvaz

16:00 7 fevral 2025
# # #