Bu gün aktyor Tələt Rəhmanovun doğum günüdür.
Kulis.az məlumat verir ki, Tələt Əliağa oğlu Rəhmanov 12 dekabr 1931-ci ildə İçərişəhərdə dünyaya gəlib.
Atası uşaq yaşlarında repressiya qurbanı olub.
Gənc yaşlarından kino-studiyada çalışıb, 70-dən çox filmdə müxtəlif rollar canlandırıb. Bunların bir çoxu epizodik rollar olub.
Tələt Rəhmanov fəxri ad almasa da, onun oynadığı rollar tamaşaçıların yaddaşında silinməz iz qoyub... “Qaynana”da Əli, “Sehirli xalat”da “milisoner”, “Arşın mal alan”da nökər Vəli, “Uzaq sahillərdə”də xidmətçi, "Kişi sözü"ndə kolxoz sədri Bayandur...
Ölümündən bir müddət əvvəl infarkt keçirib. Öləndə həyat yoldaşı elə bilib ki, zarafat edir. Həmin gün çəkilişdən gəlib. Dəniz kənarında olan çəkilişdən ağız dolu danışıb. Danışdığı yerdə qəfil səsi xırıldamağa başlayıb. Həyat yoldaşı deyib ki, “ay Tələt, bəsdi də aktyorluq elədin”. Sonra görüblər ki, o, özündən gedib. Həkimlər gələnədək isə artıq gec olub. Tələt Rəhmanov 1993-cü il noyabrın 13-də dünyasını dəyişib.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər