Azərbaycan Respublikasının Mədəniyyət Nazirliyinin dəstəyi ilə Dünya Gənc Türk Yazarlar Birliyinin gerçəkləşdirdiyi “Tanı, oxu, tanıt” ədəbiyyat könüllülüyünün təbliği layihəsi çərçivəsində növbəti tədbir Xəzər Universitetində keçirilib.

Kulis.az xəbər verir ki, tədbirin giriş nitqi ilə Universitetin Dillər və ədəbiyyatlar departamentinin müəllimi Yeqzar Cəfərli açaraq sözü departamentin müəllimi fil.ü.f.d., şair Qardaşxan Əzizxanlıya verib. Qardaşxan Əzizxanlı qonaqları salamlayaraq bədii sözün əhəmiyyətindən və layihənin önəmindən danışıb.

Ardınca Milli Məclisin Mədəniyyət Komitəsinin eksperti, Dünya Gənc Türk Yazarlar Birliyinin Məsləhət Şurasının başqanı, şair- publisist Əkbər Qoşalı ədəbiyyat könüllülüyündən, onun bugünkü vəziyyətindən danışıb. Birliyin başqanı, şair-publisist İntiqam Yaşar, Birliyin üzvləri şair Taleh Mansur, Səddam Laçına, Valeh Qoca da DGTYB-nin ədəbi layihələrindən söz açıb, layihə çərçivəsində çap olunmuş “Ədəbi toplu-2024” adlı kitabda yer almış şeirlərini səsləndiriblər. Xəzər Universitetinin Dillər və ədəbiyyatlar departamentinin müəllimləri dosent Zivər Hüseynli-Baylan, fil.ü.f.d. Zəminə Ziyayeva, fil.ü.f.d. Almaz Bədəlova və fil.ü.f.d. Mədinə Karahan bu cür tədbirlərin keçirilməsinin vacibliyini vurğulayıblar. Daha sonra Dillər və ədəbiyyatlar departamentinin tələbələrindən – Ayla Yusifova Xəyalə Sevilin “Cəzalıdı ürəyim”, Rəvanə Məhərrəmova isə Həsən Kürün “Cəbhədən məktub” şeirlərini səsləndiriblər.

Sonda bütün iştirakçılara DGTYB-nin nəşr etdirdiyi nəşrlər hədiyyə edilib, tədbirdə fəallıq göstərən tələbələrə diplomlar verilib, xatirə şəkli ilə tədbirə yekun vurulub.

• Fotoqrafiya sənətinin 200 illiyi ilə bağlı festival keçiriləcək
• Tomazzo Kampanella kimdir? - 27 il həbsdə qalan filosofun faciəvi həyatı
• 44 bədii filminin yeni tizeri yayımlandı