“Tammetrajlı bədii film layihələrə dəstək 2022” müsabiqəsi elan edilib.

Azərbaycan Respublikasının Mədəniyyət Nazirliyi “Tammetrajlı bədii film layihələrinə dəstək 2022” müsabiqəsi elan edib.

Milli kinematoqrafiya sahəsində fəaliyyət göstərən yaradıcı şəxslərə dəstək olmaq, bu istiqamətdə çalışan müstəqil prodüser mərkəzlərinin və istehsal şirkətlərinin fəaliyyətini stimullaşdırmaq, milli-mənəvi və ümumbəşəri dəyərləri filmlərlə təbliğ etmək, kino peşəkarlarının təcrübələrini daha da artırmaq məqsədilə elan edilən müsabiqənin mütəmadi olaraq hər il keçirilməsi nəzərdə tutulur.

Mədəniyyət Nazirliyinin saytından əldə etdiyimiz məlumata görə, müsabiqə tammetrajlı bədii film kateqoriyasında sərbəst mövzuda keçirilir.

Qeyd edək ki, müsabiqədə layihənin istənilən mərhələsində – ssenarinin inkişaf etdirilməsi, filmin çəkilişinə hazırlıq və çəkiliş prosesi, həmçinin post-prodakşn və distribusiya mərhələlərinə dəstək nəzərdə tutulur.

Müsabiqə aşağıdakı mərhələləri əhatə edir:

1-ci mərhələ – Layihələrin qəbulu

2-ci mərhələ – Bədii seçim

3-cü mərhələ – Pitçinq

4-cü mərhələ – Qalib film layihələrinin maliyyələşdirilməsi, filmlərin istehsalı və təhvil verilməsi.

Qəbul şərtlərinə əsasən müsabiqədə film istehsalı ilə məşğul olan müstəqil prodüser mərkəzləri və studiyalar iştirak edə bilər. Müstəqil fəaliyyət göstərən müəlliflər müsabiqədə iştirak etmək üçün layihələrini prodüser mərkəzləri, film istehsalı studiyaları və audiovizual məhsul istehsal edən digər qurumlar vasitəsilə təqdim etməlidirlər.

Geniş məlumatla bu linkdən tanış ola bilərsiniz: http://mct.gov.az/az/bfdestek2022

• Sazdan kamançaya: Milli musiqi alətləri TikTokda
• "Keçmişim onun gələcəyini məhv edə bilər..." - Sara İbrahimin "Çəhrayı çobanyastığı" romanından bir hissə
• "Dəlilik həddinə çatana qədər sevmişəm..." - Fransuaza Saqanın sitatları