"Arxa cəbhənin insanları" qısametrajlı ssenari müsabiqəsinin finalçıları elan edilib.

Kulis.az xəbər verir ki, Azərbaycan Kinematoqrafçılar İttifaqının elan etdiyi müsabiqənin təşkilatçlarının verdiyi məlumata görə, müsabiqəyə 50 ssenari qəbul olunub.

Kinorejissor Vaqif Azəryar, ssenarist, pedaqoq Nadir Bədəlov, rejissor, prodüser Əli İsa Cabbarov, ssenarist, təlimçi Pərviz Məmmədov və kinoşünas Sevda Sultanovadan ibarət münsif heyətinin qərarı ilə ikinci mərhələyə 13 ssenari keçib.

Ssenariləri müəlliflərin soyadlarının əlifba sırası ilə təqdim edirik:

Arifoğlu Elçin – “Ürəkdəki cəbhə xətti, cəbhə xəttindəki ürək”

Dadaşov Nicat – “Otaq”

Qəhrəmanov Asif – “Köhnə soba”

Qurban Qubadzadə, Əlibəy Məmmədli, Süleyman Süleymanzadə – “Yun çubuğu”

Heydərova Ülviyyə – “Bir, iki, üç”

Xanəlizadə Elxan – “Tarla qızları”

Mahmudova Sevinc – “Əmanət”

Məmiyev Amil (Amal) – “Şuşa, mən səni sevirəm”

Mirmehdi Ağaoğlu, Muxtarov Mətləb – “4420”

Nəsibli Leyla – “Əsgər çəkmələri”

Rzayev Elnur (Paşa) – “Söyüd ağacı”

Səfərov Hacı – “Qısa paslar, uzun peşmanlıqlar”

Yusubova Şəfa – “Əziz Emil”

Qalib ssenarilər 2 avqust Milli Kino günü öncəsi elan ediləcək.

Qalib ssenarilər üçün müəyyən edilmiş pul mükafatları:

I yer – 2000 AZN

II yer – 1500 AZN

III yer – 1000 AZN

Qeyd edək ki, Azərbaycan Kinematoqrafçılar İttifaqından verilən məlumata görə, filmlərin dramaturji keyfiyyətini artırmaq üçün müntəzəm ssenari müsabiqələri keçirmək planlaşdırılır. İştirakçıların ssenari texnikası biliklərinin artırılması üçün müsabiqədən əvvəl kinoyazarlar üçün təlimlərin keçirilməsi də AKİ-nin planlarına daxildir.

• "Bəşər Tanrısız yaşamağa qadirdirmi?" - Gülnar Əhməd
• Tanınmış rejissor şəxsi əşyalarını Servantes İnstitutuna verdi - Səbəb
• Böyük haqsızlıqların kiçik bəhanəsi... - Eyni metafizik günaha şərik olmaq