Əskişəhər Azərbaycanlılar Dərnəyinin təsis etdiyi “Üççizgi” dərgisinin 17-ci sayı “ZƏFƏR” adı altında nəşr edilib.

Kulis.az-ın xəbərinə görə, jurnalın bu sayı 44 günlük Vətən Müharibəsində Ali Baş Komandan İlham Əliyevin rəhbərliyi və qəhrəman ordumuzun mübarizəsi nəticəsində qazanılmış Qarabağ savaşına ithafən "Zəfər" adlandırılıb.

Dərginin “ZƏFƏR” sayında İkinci Qarabağ Müharibəsinin səbəb və nəticələri haqqında məqalə, Şuşa şəhərinin işğaldan azad edilməsində iştirak edən generalın etirafı, Müharibə zamanı ən çox zərər görmüş şəhərlərdən biri olan qazi şəhər Tərtər haqqında hekayə, Ali Baş Komandan İlham Əliyev haqqında şeir və başqa yazılara yer verilib.

Qeyd edək ki, məqsədi Azərbaycanın tarixini, mədəniyyətini tanıtmaq olan dərginin buraxılış sayları hər zaman aktual mövzuları əhatə edir. Məsələn, ötən ilin dekabr ayında yayımlanan 16-cı say mədəniyyətimizin beşiyi olan Şuşa şəhərinin düşmən işğalından azad edilməsi münasibətilə dahi bəstəkarımız Üzeyir Hacibəyliyə, sentyabr ayında yayımlanan 15-ci say tariximizin şərəfli səhifələrindən biri olan II Qarabağ müharibəsinə, general Polad Həşimov başda olmaqla Tovuz şəhidlərinə, 14-cü say 1937-ci il repressiyalarına qurban getmiş dahi şairlərimiz Əhməd Cavad, Hüseyin Cavid və Mikayıl Müşfiqə həsr olunub.

Xatırladaq ki, “Üççizgi” dərgisi 2017-ci ildə Prezident İlham Əliyevin Azərbaycanda keçirilən Dünya Azərbaycanlılarının IV Qurultayında çıxışı zamanı Azərbaycandan xaricdə fəaliyyət göstərən təşkilatların aktiv olaraq media fəaliyyətinə səsləməsi, televiziya, radio, qəzet və jurnal kimi fəaliyyətlərdə güclənməsinin vacibliyini ifadə etməsi ilə rüblük nəşrə başlayıb.

Bundan əlavə, Əskişəhər Azərbaycanlılar Dərnəyi tərəfindən Əskişəhərin yerli televiziya kanalı olan EsTV-də Azərbaycan tarixi və mədəniyyəti ilə bağlı hər həftə yayınlanan və 1 saatı əhatə edən "Üççizgi" adlı televiziya proqramının yayımına başlanılıb.

• Dünya Köçəri Oyunları başa çatdı
• Ahmet Ümitin yeni kitabı nəşr olundu
• Güvəc Alyoşa - Lev Tolstoyun hekayəsi