Səyyad Ağbabalının yeni kitabının təqdimatı oldu

Səyyad Ağbabalının yeni kitabının təqdimatı oldu
21 may 2023
# 11:00

Bu gün tanınmış jurnalist Səyyad Ağbabalının çapdan çıxan növbəti kitabı - "Ağbaba" poemasının təqdimat mərasimi baş tutub.

Kulis.az xəbər verir ki, Qərbi Azərbaycan İcmasının inzibati binasında keçirilən təqdimat mərasimində ictimai-siyasi xadimlər, ziyalılar, yazıçılar, müəllifin sənət dostları və ictimaiyyət nümayəndələri iştirak ediblər.

Kitabın ön səhifələrində Ulu Öndər Heydər Əliyevin Qərbi Azərbaycan haqqında müxtəlif vaxtlarda söylədiyi fikirlər, habelə Prezident İlham Əliyevin Qərbi Azərbaycandan olan bir qrup ziyalı ilə görüşü zamanı etdiyi çıxışından seçmələr yer alıb.

Kitabda dağlar diyarı kimi şöhrətlənən Ağbaba mahalının tarixi, mədəni irsi, ənənələri, milli-mənəvi adətləri əks olunub. Poemada epik təsvirlər, lirik-emosional ovqatın poetik harmoniyasında iki obraz sənətkarlıqla canlandırılıb: bu obrazlardan biri Ağbaba və onun tarixi taleyi, digəri isə müəllifin özüdür. Poemanın bütün ruhu Qərbi Azərbaycanlıları, o cümlədən də Ağbabalıları doğma torpaqlara, əzəli yurd yerlərinə qayıdışa səsləyir.

Tədbirdə çıxış edənlər müəllifin yeni əsərini yüksək qiymətləndirərək, kitabın tariximizin unudulmaması və gənc nəslin vətənpərvərlik ruhunda tərbiyə edilməsində çox faydalı olacağını vurğulayıblar. Bildirilib ki, ömrünün müdrik çağlarında qələmə aldığı “Ağbaba” poeması ilə Səyyad Ağbabalı “bir ömür yaşadım ağlı-qaralı” publisistik əsərinə sanki bir sirdaş yaradıb.

# 1528 dəfə oxunub

Oxşar xəbərlər

Krımın ən güclü qadını necə Sovet cəhənnəminə atıldı? - Bakının faciəli "qonağ"ı

Krımın ən güclü qadını necə Sovet cəhənnəminə atıldı? - Bakının faciəli "qonağ"ı

15:00 29 noyabr 2025
Bi­zi sonsuz xəyallara qərq edən qüvvə - Sərgərdan və məzəli həyatın sonu

Bi­zi sonsuz xəyallara qərq edən qüvvə - Sərgərdan və məzəli həyatın sonu

13:52 29 noyabr 2025
Mehriban Xanlarova işdən çıxarıldı

Mehriban Xanlarova işdən çıxarıldı

12:54 29 noyabr 2025
Rusiyada "Whatsapp"  bloklana bilər

Rusiyada "Whatsapp" bloklana bilər

11:40 29 noyabr 2025
Mənsum İbrahimov:  "O insanların işi boş dedi-qodudur"

Mənsum İbrahimov: "O insanların işi boş dedi-qodudur"

10:36 29 noyabr 2025
Dövlət Kamera Orkestrinə yeni dirijor təyin olundu

Dövlət Kamera Orkestrinə yeni dirijor təyin olundu

10:10 29 noyabr 2025
Ana səhifə Yazarlar Bütün xəbərlər