Səttar Bəhlulzadənin əsərlərindən ibarət sərgi təşkil edilib

Səttar Bəhlulzadənin əsərlərindən ibarət sərgi təşkil edilib
11 dekabr 2024
# 17:02

Azərbaycanın Xalq rəssamı Səttar Bəhlulzadənin 115 illiyinə həsr olunmuş “Səttarın Füzulisi” adlı sərginin açılışı olub.

Kulis.az xəbər verir ki, Məhəmməd Füzulinin 530 illiyi çərçivəsində təşkil olunmuş sərgi rəssamın ev-muzeyində təşkil edilib.

Muzeyin direktoru, sənətşünaslıq üzrə fəlsəfə doktoru Pərzad Abdinova Səttar Bəhlulzadənin yaradıcılığında Füzuliyə, şairin "Leyli və Məcnun" poemasının baş qəhrəmanlarına həsr edilmiş əsərlərindən danışıb, sərginin yaranma ideyası barədə məlumat verib. P.Abdinova "Səttarın Füzulisi" adlı kataloqun ilk nüsxəsini tədbir iştirakçılarının diqqətinə çatdırıb.

Tədbirdə iştirak edən Suraxanı rayonunun icra başçısı Adil Əliyev çıxışında Səttar Bəhlulzadənin təsviri sənət tariximizdəki yeri və rolu barədə söhbət açıb. İcra başçısı bildirib ki, rayon icra hakimiyyəti olaraq ev-muzeyinin qorunub saxlanılması naminə bundan sonra da zəruri işlər görüləcək. A.Əliyev icra hakimiyyətinin arxivində saxlanılan Səttar Bəhlulzadəyə aid təltifnamənin orijinalını muzeyə hədiyyə edib.

Azərbaycan Yazıçılar Birliyinin katibi, şair, dramaturq İlqar Fəhmi Səttar Bəhlulzadə yaradıcılığında sözə, ədəbiyyata, görkəmli ədiblərə xüsusi yanaşma barədə fikirlərini bölüşüb, Xalq rəssamının poeziyaya sevgisinin əsərlərində əhatəli şəkildə ifadə olunduğunu bildirib. İ.Fəhmi Füzulinin yaradıcılığında rənglərlə bağlı beytləri yada salıb, görkəmli şairdən bir sıra sitatlar gətirib.

Əməkdar İncəsənət xadimi, sənətşünaslıq üzrə fəlsəfə doktoru Ziyadxan Əliyev Səttar Bəhlulzadənin həyat və yaradıcılığına nəzər salıb. O, görkəmli rəssamın əsərlərindəki ana xətt, əsas motivlər və üslub məsələlərindəki özünəməxsusluğu xüsusi vurğulayıb.

Çıxışların ardınca Füzuli, Məcnun və Leylinin Xalq rəssamı tərəfindən təsvir edilmiş obrazlarının əks olunduğu videoçarx nümayiş olunub.

Tədbir muğam üçlüyünün — Beynəlxalq Muğam Mərkəzinin solisti, xanəndə Məmməd Nəcəfov, tarzən Valeh Allehverdiyev, kamança ifaçısı Fərrux Haşımlının çıxışı ilə davam edib. Füzulinin qəzəlləri əsasında yazılmış musiqi əsərləri ifa edilib.

Sonda Səttar Bəhlulzadənin şəxsi kolleksiyalarda qorunan və əksəriyyəti ilk dəfə nümayiş edilən əsərlərinə baxış keçirilib.


Fot

# 1119 dəfə oxunub

Oxşar xəbərlər

"APA Jurnalist Məktəbi"nin məzunlarına sertifikatlar təqdim edildi

"APA Jurnalist Məktəbi"nin məzunlarına sertifikatlar təqdim edildi

22:30 18 iyul 2025
"Nə oldu, Paşinyan?"ı oxuyan müğənni həbs olundu - Səbəb

"Nə oldu, Paşinyan?"ı oxuyan müğənni həbs olundu - Səbəb

18:52 18 iyul 2025
"Xanımlar gərək bilələr ki, Allah kişini üstün yaradıb" - Xəzər TV-yə buna görə xəbərdarlıq edildi

"Xanımlar gərək bilələr ki, Allah kişini üstün yaradıb" - Xəzər TV-yə buna görə xəbərdarlıq edildi

18:20 18 iyul 2025
Sarayevo Film Festivalının münsiflər heyətinin sədri açıqlandı

Sarayevo Film Festivalının münsiflər heyətinin sədri açıqlandı

17:26 18 iyul 2025
"Bir qızın şəklini gizlincə çəkib feysbukda paylaşmaq..." - Metroda baş verən hadisə

"Bir qızın şəklini gizlincə çəkib feysbukda paylaşmaq..." - Metroda baş verən hadisə

14:45 18 iyul 2025
Rayan Qoslinq və Uil Ferrel  tərəf müqabili olacaqlar

Rayan Qoslinq və Uil Ferrel tərəf müqabili olacaqlar

14:43 18 iyul 2025
# # #