Səni axtaracam xatirələrdə - Qalib Şəfahət

Səni axtaracam xatirələrdə - Qalib Şəfahət
15 yanvar 2024
# 15:30

Kulis.az Qalib Şəfahətin şeirlərini təqdim edir.

Səni axtaracam xatirələrdə

Hələ ümidimi itirməmişəm.
Səni axtaracam xatırələrdə.
Hələ son sözümü bitirməmişəm,
Səni axtaracam xatirələrdə.

Mənim xəyallarım divanə idi,
Sən isə onlara biganə idin.
Bax onda ən gözəl zamanə idi,
Səni axtaracam xatirələrdə.

Şəklinə baxanda canımı yaxır,
Qəlbimdən boylanır, gözümdən baxır.
Fikrimi çaşdırır, ağlımdan çıxır.
Səni axtaracam xatirələrdə.

Arzular, istəklər sahibsiz qalıb,
Kimsəsiz böyüyüb, köməksiz qalıb.
Səndən ürəyimdə bircə iz qalıb,
Səni axtaracam xatirələrdə.

Gəlmir

Özümə söz verdim, özüm unutdum.
Öz sözüm özümün xoşuma gəlmir.
Ağlıma gələnlər başıma gəldi.
Nə gəlir, düz gəlir, boşuna gəlmir.

Niyə tanımadım özüm özümü?
Niyə öz üstümdən çəkdim gözümü?
Özümə dediyim o son sözümü,
Ağlımdan çıxartmaq, hüşüma gəlmir.

Bu necə ömürdü həsrətə dözür,
Kədəri, qüssəsi qəlbimi üzür.
Taleh üz döndərib uzaqda gəzir.
Önümdə dayanıb, qarşıma gəlmir.

Əyri axtarırsan hərdən düz olur,
İnsan bir-biriylə üz-göz olur
Söz sözə toxunur söhbət söz olur.
Hələ də ki, ağlım başıma gəlmir.

# 2440 dəfə oxunub

Oxşar xəbərlər

Krımın ən güclü qadını necə Sovet cəhənnəminə atıldı? - Bakının faciəli "qonağ"ı

Krımın ən güclü qadını necə Sovet cəhənnəminə atıldı? - Bakının faciəli "qonağ"ı

15:00 29 noyabr 2025
Bi­zi sonsuz xəyallara qərq edən qüvvə - Sərgərdan və məzəli həyatın sonu

Bi­zi sonsuz xəyallara qərq edən qüvvə - Sərgərdan və məzəli həyatın sonu

13:52 29 noyabr 2025
Mehriban Xanlarova işdən çıxarıldı

Mehriban Xanlarova işdən çıxarıldı

12:54 29 noyabr 2025
Rusiyada "Whatsapp"  bloklana bilər

Rusiyada "Whatsapp" bloklana bilər

11:40 29 noyabr 2025
Mənsum İbrahimov:  "O insanların işi boş dedi-qodudur"

Mənsum İbrahimov: "O insanların işi boş dedi-qodudur"

10:36 29 noyabr 2025
Dövlət Kamera Orkestrinə yeni dirijor təyin olundu

Dövlət Kamera Orkestrinə yeni dirijor təyin olundu

10:10 29 noyabr 2025
#
#
Ana səhifə Yazarlar Bütün xəbərlər