Şair, jurnalist Vasif Əlihüseynin şəhidlərə həsr etdiyi “Cənnət yolçuları” adlı kitabı çapdan çıxıb.
Müəllifin Kulis.az-a verdiyi məlumata görə, kitab “Elm və təhsil” nəşriyyatında 100 tirajla çap olunub.
Kitabda jurnalistin Cəlilabadın Muğan, Maşlıq, Söyüdlü və Kazımabad kəndlərinin birinci Qarabağ savaşında, atəşkəs dövründə və 44 günlük Vətən müharibəsində şəhid olan hərbçilərimiz haqda hazırladığı yazıları toplanıb.
Müəllif qeyd edir ki, kitabın qarşıdakı günlərdə Cəlilabad rayon Muğan kənd orta məktəbində təqdimatı olacaq. Təqdimata kitabda yer alan şəhidlərin valideynləri, qazilər və rayon rəsmiləri dəvət olunacaq.
Qeyd edək ki, Vasif Əlihüseyn Əlifağa oğlu 1985-ci ildə Cəlilabad rayon Muğan kəndində anadan olub. Moskva Sosial Dövlət Universitetinin filologiya və Bakı Slavyan Universitetinin yaradıcılıq fakültələrini bitirib. Azərbaycan Yazıçılar Birliyinin üzvüdür. “Ayrılığın rəngi” və “Divara yazılmış azadlıq sözü” şeir və esselər kitabının müəllifidir.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər