M.Ə.Rəsulzadənin 140 illiyi ilə bağlı konfrans kecirilib. Rəsmi və bədii hissədən ibarət tədbir Azərbaycan Respublikası prezidentinin Məhəmməd Əmin Rəsulzadənin 140 illik yubileyinin qeyd edilməsi ilə bagli sərəncamina muvafiq olaraq təşkil olunub.

Kulis.az xəbər verir ki, “Moskva” otelinin konfrans zalında təşkil olunan tədbir Rusiyada fəaliyyət göstərən “Çinar ” Milli-Mədəni Mərkəzinin sədr müavini Ülviyyə Abbasovanın təşəbbüsü ilə Rusiya-Azərbaycan mədəni və humanitar əməkdaşlıq mərkəzinin sədri Eldar Əlizadənin birgə səyi nəticəsində baş tutub.

Azərbaycan dövlət himni ilə başlayan tədbirə Rusiyada yaşayan soydaşlarımız, elm xadimləri, rusiyalı araşdırmacı alimlər, müxtəlif xalqların diaspor nümayəndələri qatılıb. Tədbirin xüsusi qonağı isə Turkiyədə yaşayan soydaşımız, tarix elmləri namizədi Dilqəm Əhməd olub.

“Çinar” Milli Mədəni Mərkəzinin sədri, Sankt-Peterburq Dövlət Universitetinin müəllimi Xeyransa Mirzəyeva qonaqları salamlayaraq Azərbaycan dövlətçiliyi və ictimai fikir tarixində xüsusi yer tutan M.Ə.Rəsulzadə haqqında danışıb.

Təşkilatcı, filoloq Ülviyyə Abbasova Rəsulzadə irsini vətəndən kənarda yaşayan gənclərimizə aşılamağın vacibliyindən danışıb.

“Musa Əfəndi və Azərbaycan Demokratik Cümhuriyyətinin qurucuları” mövsuzunda çıxış edən alim Almira Tahircanova babası, dövrünün parlaq ictimai xadimi, M.Ə. Rəsulzadənin Rusiyadan Finlandiyaya keçməsində şəxsən kömək etmiş Musa Əfəndinin (Musa Biqeyev) fəaliyyəti, Rəsulzadə ilə görüşləri haqqında maraqlı məruzə edib, tarixi fotolar, arxiv materiallarını nümayiş etdirib.

Tədbirdə rusiyali tarixçi alimlər Aleksandr Punçenkov, Vladimir Mixaylovun da məruzələri diqqət çəkib.

Sankt-Peterburq Dövlət Universitetinin müəllimi, soydaşımız türkoloq Şahnaz Kamalın məruzəsi isə “Azərbaycançılıq ideologiyasının qurucusu M.Ə.Rəsulzadə” mövsuzu olub.

Dilqəm Əhmədin çıxışı, təqdim etdiyi arxiv materialları, şəxsi kolleksiyasına aid fotolar isə bütün qonaqların, xüsusilə gənclərin böyük marağına səbəb olub. Çıxışın sonunda çoxsaylı sualları cavablandıran Dilqəm Əhməd tədbirin təçkilatçılarına müəllifi olduğu kitabları hədiyyə edib.

Bədii hissədə isə “Çinar” Rəqs Ansamblı və "Naz" ansamblı milli rəqslərimizi ifa etdiblər. İstedadlı gənc soydaşımız, Sankt_Peterburq Dövlət Konservatoriyasının tələbəsi Teymur Kazımovun çıxışı da yaddaqalan olub.

Sonda təşkilatçılar Eldar Əlizadə və Ülviyyə Abbasova yekun çıxışlarında tədbirin ərsəyə gəlməsində dəstək olən hər kəsə təşəkkür ediblər.

• Hollivud aktyoruna silahlı basqın: "Sevimli yalançılar"ın ulduzu vəhşicəsinə döyülərək soyuldu
• Türkiyəli məşhur müğənni vəfat etdi
• Qadınları təhsildən uzaq tutanlara qarşı "Babayi-Əmir" jurnalında necə çıxış edirdilər?