İTV-də Saleh Bağırovun dörd mövsümdür aparıcılığını etdiyi “Gəl, qonaq ol!” verilişi artıq yayımlanmayacaq.
Kulis.az xəbər verir ki, bu barədə aparıcı sosial şəbəkədə məlumat yayıb.
"Azərbaycan reallığında ev formatlı verilişlərin səviyyəsi bəllidir. Əminliklə deyirəm ki, biz ənənəvi stereotipləri darmadağın edib, yeni standartlar yaratdıq. Yüz ölçüb, bir biçdik. Haqq edənlərə yönəltdik kameralarımızı. Ziyalılar, alimlər, həkimlər, müəllimlər, milli qəhrəmanların ailələri, siyasətçilər, iqtisadçılar, şair, bəstəkar, yazıçı, rəssam, incəsənət və elm xadimləri gəlib qonağınız oldular. Sənədli film səviyyəsində tarixiləşdirdik bu şəxsiyyətləri.
Asan yola qaçıb, baxılsın deyə, ancaq müğənnilər üzərində veriliş qurub, reytinq yolunda həlak etmədik özümüzü və mənliyimizi. Zövqləri korlamadıq, bəsit söhbətlərdən qaçdıq. Məzmun və dəyərləri əsas tutduq. Ev proqramının yalnız mətbəx söhbətləri, qazanın içi, soyuducu və yataq otağı olmadan da hazırlamağın mümkün olduğunu sübut etdik.
Düşünürəm ki, bundan sonra hazırlanacaq ev verilişləri üçün bu yeni standartlar bir yol olmalıdır!
Hər bir şey vaxtında gözəl. Bu layihə efir ömrünü başa vurdu. İrəlidə isə tamaşaçılarımızı yeni və gözəl işlər gözləyir".
Axşam.az
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər