Rəvan Cavid 19 yanvar 1998-ci ildə Goranboy rayonunun Səfikürd kəndində anadan olub. 2004–2015-ci illərdə Səfikürd kənd tam orta məktəbində təhsil alıb. 2015–2017-ci illərdə Azərbaycan Memarlıq və İnşaat Universitetində "İnşaat mühəndisliyi" ixtisası üzrə təhsil alıb. 2017-ci ildə ədəbi yaradıcılıqla məşğul olmaq üçün universiteti atıb.

2017-ci ildən Rəvan Cavid imzasıyla dövri mətbuatda, ədəbi qəzet və jurnallarda, saytlarda şeirləri, esseləri, publisistik yazıları ilə çıxış edir.

2016–2018-ci illərdə Azərbaycan Mədəniyyət Nazirliyi və Yazıçılar Birliyinin birgə layihəsi olan "III Gənc Ədiblər Məktəbi"ndə yaradıcılıq təhsili alıb.

2019-2020-ci illərdə "Artkaspi.az" mədəniyyət saytında fəaliyyət göstərib. 2022-ci ildən isə "Kulis.az" mədəniyyət portalında müxbir kimi çalışır.

2017-ci ildə "7" adlı şeirlər kitabı işıq üzü görüb.

2020-ci ildə "Mavi boyalı ev" adlı şeirlər toplusu nəşr edilib.

2021-ci ildə Türkiyədə "Absürt menü" adlı esselər kitabı çap olunub.

2019-cu ildə Azərbaycan Yazıçılar Birliyinin "Uğur" mükafatını qazanıb.

2022-cı ildə Azərbaycan Yazıçılar Birliyinə üzv qəbul edilib. Həmin il Azərbaycan Respublikası Prezidentinin gənc yazarlar üçün verdiyi "Prezident Təqaüdü"nə layiq görülüb.

• “Rənglərlə danışan Abdurrahman” adlı rəsm sərgisi keçirildi
• Hər qoyuna öz dərisində dolaşmaq üçün şərait yaratmaq lazımdır... - Dünya tarixində ilk imtinaçı kim idi?
• Nə olsun ki, mən Janna Dark olmadım... - Səhər Əhmədin şeirləri