Rusiyanın əməkdar artisti, “Moderna” teatrının aktyoru və dublyaj ustası Vladimir Levaşev 72 yaşında vəfat edib.
Kulis.az xəbər verir ki, bu barədə mədəniyyət müəssisəsinin rəsmi saytında məlumat verilib.
“Parlaq aktyor və parlaq bir insan aramızdan ayrıldı. Onun xatirəsinə teatrın birinci zalı Vladimir Levaşev zalı adlandırılacaq ", - deyə "Moderna"nın bədii rəhbəri Yuri Qrımov qeyd edib.
Levaşevin ölüm səbəbi hələ açıqlanmayıb.
V.Levaşev 1950-ci il iyunun 18-də anadan olub. Məktəbi bitirdikdən sonra Çexov adına Moskva Bədii Akademik Teatrının Məktəb-studiyasına daxil olub. İyirmi ildən artıq teatr səhnəsində çoxlu sayda obrazları canlandıraraq xidmət edib. Sənətçi “Balaca şahzadənin səyahəti”, “Köhnə ev” və digər tamaşalarda çıxış edib.
Aktyor həm də diktor və yerli dublyaj ustası kimi tanınıb. O, Marvel filmlərində bir çox personajları səsləndirib. Levaşev eyni zamanda “Xaç atası”, “Əkiz zirvələr”, “Böyük Qetsbi” və digər filmlərində qəhrəmanların səsi olub.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər