Rusiyada kinoteatrların yarısı repertuar çatışmazlığı səbəbindən bağlana bilər.
Kulis.az “Gazeta.ru”ya istinadən xəbər verir ki, Kino Sahibləri Assosiasiyası Rusiyada film nümayişi bazarındakı vəziyyətlə bağlı açıqlamasında azalma müşahidə olunduğunu söyləyib.
Açıqlamaya görə, COVID-19 pandemiyası zamanı bazar ödənişləri üzrə 26,6%, ziyarətçilərin sayı isə 33,6% azalıb.
Lakin son aylarda baş verən hadisələr, assosiasiyanın dediyi kimi, "Rusiyanın film prokat sənayesini kəskin şəkildə dəyişdi".
Mart ayında 2019-cu ilin mart ayı ilə müqayisədə bazar azalması müvafiq olaraq 54% və 59% təşkil edib. 2022-ci il aprelin ortalarında ölkədəki kinoteatrların 36,4%-i artıq bağlanıb.
"Yaxın 2 ayda kritik repertuar çatışmazlığı kino gəlirlərinin 80%-dən çox azalmasına və kinozalların ən azı 50%-nin bağlanmasına gətirib çıxaracaq" deyə assosiasiya yekunlaşdırıb. Həmçinin vurğulanıb ki, yüksək keyfiyyətli kinonun yaradılmasının təminatçısı məhz kinoteatrlardır.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər