Filmlərdə homoseksual səhnələrin nümayişinə qadağa qoyulacaq layihənin icrası planlaşdırılır.

Kulis.azın rus mətbuatına istinadən verdiyi xəbərə görə, Rusiya Dövlət Dumasının Ailə, Qadın və Uşaq Problemləri Komitəsinin rəhbəri Nina Ostanina bildirib ki, filmlərdə qeyri-ənənəvi münasibətlər və zorakılıq nümayiş etdirən səhnələrin nümayişini qadağan edən qanun layihəsi Yeni il bayramlarından sonra Dövlət Dumasına təqdim olunacaq.

“Fakt budur ki, uşaqların informasiyadan qorunması haqqında qanun nəzərəçarpacaq dərəcədə köhnəlib, onun hazırlanmasında mən dördüncü çağırış Dövlət Dumasının deputatı kimi iştirak etmişəm. Biz bu qanun layihəsinə dəyişiklik etmək niyyətindəyik. Bu, cinsi sapmalara, filmlərdəki homoseksual səhnələrə də aiddir. Düşünürəm ki, yanvar bayramlarından sonra biz bu qanun layihəsini dərhal həll edəcəyik” – Nina Ostanina söyləyib.

O vurğulayıb ki, bu gün informasiya məkanında yayılan təhdidlərin sayı xeyli artır və bu da öz növbəsində elektron, kağız daşıyıcılarda, o cümlədən internetdə uşaqları qəddarlığa və ya digər dağıdıcılığa sövq edən materialların dərcinə görə cəzaların sərtləşdirilməsini tələb edir.

Ostaninanın sözlərinə görə, bu qanunla mübarizə aparmaq və ona düzəliş etmək şərəf məsələsidir.

Bir müddət əvvəl Milli Valideynlər Komitəsinin icraçı direktoru, psixoloq Yuri Obolonski bildirmişdi ki, o, uşaqları təhqir etdiyinə, eləcə də homoseksuallığı təbliğ etdiyinə görə rep ifaçısı Djiqandan bir milyon rubl tələb etmək niyyətindədir.

• Gestapodan son anda qaçırılan çamadan - Kafkanı yox olmaqdan xilas edən böyük sirr
• Çürük qızıləhmədlər - Hekayə
• Londondakı qalereyadan Çörçillə aid qalmaqallı videoinstalyasiya yığışdırıldı