Məşhur detektiv yazıçı Elena Mixalkova gənclərə rus klassiki Aleksandr Puskinin əsərlərini oxumağı tövsiyə edib.
Kulis.az xəbər verir ki, Qazeta.az-ya açıqlama verən müəllif Puşkin yaradcılığında hər şeyin tapıla biləcəyini deyib:
"Mən Puskin haqqında danışmaq istəyirəm. Bu tövsiyəni çoxları ciddi qəbul etmir, amma Puskinin əsərlərində hər şeyi tapmaq olar, o cümlədən poeziyanın oxucuya nadir hallarda verdiyi təsəllini".
Mixalkova həmçinin "Yevgeni Onegin"dən praktiki fayda da götürdüyünü qeyd edib:
"Bəzən əsərlərimi oxuyuram. Bunun üçün səsimi hazırlamalı, nitq aparatımı "isitməliyəm". Kiçik bir artikulyasiya məşqindən sonra mütləq "Yevgeni Onegin"dən bir neçə bənd oxuyuram. Puşkinin bəndləri nəfəs almağa təsir edir və ucadan oxumağı asanlaşdırır. Puşkinlə, ümumiyyətlə, hər şey daha rahat olur".
Qeyd edək ki, 28 avqustda "AСT" nəşriyyatı Mixalkovanın yeni "Afera" seriyasının ilk kitabını təqdim edib. Roman çoxqatlı süjet xətti ilə seçilir, burada cinayət psixoloji triller elementləri ilə birləşir. Əsərin mərkəzində yaşlı fırıldaqçı Mixail Groys dayanır. Onun əsas vəzifəsi uzun illər əvvəl dostu ilə görüşən əfsanəvi falçını tapmaqdır.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər