İtaliyanın qədim mərkəzi olan Roma şəhərinin əsas tarixi ərazilərindən birində aparılan tikinti işləri nəticəsində qədim dövrlərə aid ağ mərmər büst aşkarlanıb.
Kulis.az xarici mediaya istinadən xəbər verir ki, bu barədə şəhərin meri Roberto Qualtieri məlumat verib: “Roma öz tarixi keçmişinin qiymətli sübutlarını qaytarmağa davam edir. Romanın tarixi məkanlarından olan Piazza Augusto Imperatore-də aparılan təmir işləri zamanı gözəl tarixi mərmər baş və digər dəyərli əşyalar tapılıb. Bu isə bizim ölkə üçün qürurvericidir”.
Onun sözlərinə görə, arxeoloqlar və bərpaçılar hazırda tapıntıları bərpa edərək, onu tədqiq etməklə məşğuldurlar: “Büstün üzə çıxarılması arxeoloqların diqqətli işi sayəsində mümkün olub və ümid edilir ki, tapıntı mütəxəssislərə şəhərin qədim tarixi haqqında tədqiqatları daha da dərinləşdirməyə kömək edəcək. İlkin rəylərə əsasən, yeni tapılan mərmər büstün gözəllik ilahəsi kimi təsvir olunan Afroditanın heykəlinə aid olması ehtimal edilir”.
Qeyd edək ki, konservatorlar və arxeoloqlar hazırda bu qədimi əşyanı bərpa etməyə ümid edirlər, eyni zamanda, əsas məqsəd arxeoloji tapıntını dərindən tədqiq edərək, onun yaşını və hansı dövrə aid olduğunu müəyyənləşdirməkdir.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər