Bu gün Facebook-un yaranmasının 17 ili tamam olur. Kulis.az bu münasibətlə Facebook lətifələrini təqdim edir.

Oğlan:

- Aşqım, dünən səni dürtdüm, niyə cavab vermədin?

Qız:

- Ehhh!!! Feysdə nənəm də dürtər!

***

Uzun çat söhbətinin nəticəsi:

- Siz gül kimi gözəlsiz!

- Mən ki şəklimi qoymamışam, nədən bildiniz?!

- Tikanlarınızdan!

***

Gənc oğlanın sevgi mesajı:

"Xanım, artıq mən başqasını sevəsi oldum, sizin iş yeri uzaqdır, gəlib-getmək olmur!"

***

- Səni sevirəm!

- ))))))))))))))))))))))))))

- Gülmə, mən ciddiyəm!

- Gülmürəm, sevinirəm!

***

Status:

“Başımı yolunda qoydum, vətən! Zatən içində bir şey yox idi!”

***

İki dostun telefon söhbəti:

- Fb-də görünmürsən...

- Axşam prosessoru pəncərədən atdım.

- Yox a! Niyə?

- Arvad qısqanırdı. Baxdım ki, ya arvadı atmalıyam, ya da kompüteri... Uşaqlara yazığım gəldi.

***

Bir dost mesajı:

“İsmayıllıya dincəlməyə getmişdik. Birdən yanında şipşirin bir qoduğu olan eşşək gördük. Hələ orta məktəbə getməyən qızım qışqırdı: "Ata eşşəyin balasına bax, gör nə gözəldi? Ata! Ata! Bax, bax! Mənə oxşuyurmu?"

Həyat yoldaşımın da heyvanlara maraqla tamaşa etdiyini görüb ona sataşmaq istədim: "Hə, qızım, o birisi də anana oxşayır!"
Bu zaman yıxıq tikililərin arasından erkək bir eşşək çıxıb təşəxxüslə dişi uzunqulağa yaxınlaşdı. Qızım onu görcək sevinclə lap ucadan qışqırdı:
"Ata, bu da sənə oxşayır!"

***

- Səni bu dəqiqə bloka ataram!

- Blok nədir?

- Virtual həbs qətimkan tədbiri!

***

- İşdə də, ailədə də, aşqda da, səhhətimdə də ciddi problemlər var.

- Sən özünə kəndir-sabun axtar, Fb-də nə gəzirsən?

***

- Virtual oğlu virtual!

- Online köpəyoğlu!

***

Bir aşiqin inboxa yazdıqları:

“Sən gedən gün ürəyimi yoxlayan həkim eynəyini çıxarıb təəccüblə sifətimə baxdı: "Muzik pleyer - zad udmamısan ki, səndən kamança səsi gəlir!"

***

Elçilik dialoqu:

- Oğlum içsə də, çəksə də, feyzbuka girmir heç vax!

- Vallah bizim qız girsə də başqa adla girir...

***

Status:

“Axşam-axşam qız uşağının feyzbukda nə işi var?!”

***

Gənc oğlanın evli xanımla yazışması:

- Oldu, canım, indi ərim gələcək, mən çıxım, hələlik.

- Hələlik. Kişini öp mən əvəzdən!

• Özge Gürel: "Bu işə başlayarkən çox qorxurdum"
• Şəhid Xudayar Yusifzadəyə həsr olunmuş mahnı-klip təqdim edildi
• Xalq artisti Zaur Rzayevin vəziyyəti ağırdır