Antalyada yaşayan Rusiya əsilli tullantı ustası Gözəl Əmirova zibil torbalarından plastik butulkalara qədər bir çox fərqli materialdan istifadə edərək hazırladığı heykəllər ilə ətraf mühitə və ekosistemə diqqət çəkməyə çalışıb.
Kulis.az xəbər verir ki, onun hazırladığı plastik heykəllərin sosial mesajı var.
Yüzlərlə irili-xırdalı heykəl hazırlayan Əmirova heykəllərdə yapışqan, ştapel, mismar kimi köməkçi materiallardan istifadə etmir. Rəssam plastik şüşələri əymək və bükmək üçün şam alovundan istifadə edir. O, son əsəri “Perseus”da dənizlərin və okeanların plastiklə çirklənməsinə diqqət çəkib.
Rəssam bu əsərində Yunan mifologiyasında Meduzanı öldürmək tapşırılan və missiyasını başa vurduqdan sonra Meduzanın başını kəsib havaya qaldıraraq heykəlləşən Perseni əlində qılınc tutaraq ətrafındakı plastik tullantılarla mübarizə apararkən əks etdirib.
Plastik tullantıların təbiətə böyük ziyan vurduğunu deyən Əmirova qeyd edib ki: “Dənizdə və quruda hər yerdə çox sayda plastik tullantılar görürük. Heykəllərimlə az da olsa bu ekoloji fəlakətə diqqət çəkə bilsəm, sevinərəm. Plastikləri küçələrə, yollara atmaq əvəzinə təkrar emal edib istifadə edə bilərsiniz”.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər