Rejissor Ələmdar Faiqin “Ümid bizi aparacaq” adlı tammetrajlı sənədli filmi layihəsi CEDOC Marketdə iştirak edib.
Kulis.az xəbər verir ki, CEDOC Market – Mərkəzi Avropa Sənədli Filmləri Birgə İstehsal Bazarı, beynəlxalq sənədli film istehsalçılarını bir araya gətirən tanınmış bir sənaye tədbiridir.
Tədbirin əsas məqsədi Şərq və Qərb, Şimal və Cənub arasında yaradıcı tərəfdaşlıqlar qurmaqdır.
Film Krakov kinofestivalı çərçivəsində keçirilən CEDOC Marketdə iştirak hüququ əldə edib. Filmi bu festivalda AKİ-nin katibi, prodüser Türkan Hüseyn təmsil edib.
Filmin istehsalçı şirkəti “Çinar film”, prodüserləri Türkan Hüseyn, Sərxan Cəfərli, rejissoru Ələmdar Faiq, operatoru Tofiq Əliyev, rəssamı isə Lətif İsmayıldır.
Qeyd edək ki, Azərbaycan Kinematoqrafçılar İttifaqı “Ümid bizi aparacaq” adlı tammetrajlı sənədli filmi layihəsinin CEDOC-Marketdə iştirakı üçün maliyyə dəstəyi göstərib.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
