Aprelin 26-da Mədəniyyət Nazirliyinin təşkilatçılığı ilə Azərbaycan Dövlət Akademik Musiqili Teatrında Qırğız Mədəniyyəti Günlərinin təntənəli bağlanış mərasimi olub.

Kulis.az xəbər verir ki, tədbirdə rəsmi şəxslər, hər iki ölkənin mədəniyyət və incəsənət xadimləri, ictimaiyyət nümayəndələri və digər qonaqlar iştirak ediblər.

Mərasimdə çıxış edən Qırğız Respublikasının mədəniyyət, informasiya, idman və gənclər siyasəti naziri Altınbek Maksutov Qırğız Mədəniyyət Günlərinin iki dövlət arasında mədəni əlaqələr baxımından daha da inkişaf etməsində böyük rolu olduğunu vurğulayıb. Bugünkü əməkdaşlığın gələcəyə nikbin baxmağa şərait yaratdığını bildirən nazir deyib: “Mədəni müxtəlifliyimizi nümayiş etdirmək üçün həm Azərbaycan, həm də Qırğızıstanın çoxşaxəli imkanları var. Müasir Qırğız və Azərbaycan mədəni əlaqələri xalqlarımızı daha da yaxınlaşdıracaq”.

Sonra A.Maksutov yazıçı-tərcüməçi, Azərbaycan Dövlət Tərcümə Mərkəzinin Dünya ədəbiyyatı şöbəsinin müdiri Nəriman Əbdülrəhmanlını medal ilə təltif edib.

“Dost və qardaş Qırğız xalqı ölkəmizdə zəngin mədəniyyətini yüksək səviyyədə təqdim etdi. Qırğız Mədəniyyət Günləri çərçivəsində görkəmli sənətkarlar çox böyük ustalıqla musiqi nömrələri ilə çıxış ediblər”, - bu sözləri jurnalistlərə açıqlamasında mədəniyyət nazirinin müavini Murad Hüseynov söyləyib. O diqqətə çatdırıb ki, iki dövlət arasında qurulan münasibətlər müsbət tendensiyada inkişaf edəcək.

Tədbirdə qonaq ölkənin incəsənət ustaları geniş konsert proqramı ilə çıxış edərək tamaşaçıların zövqünü oxşayıb.

Qeyd edək ki, qırğız ifaçılarının nümayiş etdirdiyi musiqi və rəqs nömrələri maraqla qarşılanıb.

• Biblioqraflıqdan ədəbiyyata - "Sonuncu böyük klassik" adlandırılan Nobel mükafatçısı kim idi?
• "Cəhənnəmdən sonrakı cənnət" - Cəfər Rəmzi Zeynalabdin Tağıyev haqqında nə yazırdı?
• Xalq artisti Rasim Balayev I Fəxri xiyabanda dəfn edildi