Almaniyada nəşr olunan “Vostok” jurnalında “Nizami Gəncəvi – 880 ildən bəri canlı” adlı məqalə dərc olunub.

Kulis.az xəbər verir ki, Almaniyada nəşr olunan “Vostok” jurnalında “Nizami Gəncəvi – 880 ildən bəri canlı” adlı məqalə (məqalə 2021-ci ilin birinci yarısında hazırlanaraq jurnalın redaksiyasına təqdim edilmiş, bu jurnalın payız-qış buraxılışında isə işıq üzü görüb) işıq üzü görüb.

Məqalədə Nizami Gəncəvinin həyat və yaradıcılığı barədə ətraflı məlumat verilir. Bildirilir ki, Nizaminin əsərlərində işıqlandırılan mövzular hər zaman aktuallığını qoruyur. Onun əsərləri bir növ Azərbaycan folklorunun ensiklopediyası kimi xarakterizə edilə bilər.

Nizamini Höte ilə müqayisə edən müəlliflər bildirirlər ki, Nizami və Höte həm təbiət elmləri, həm də humanitar elmlərdə eyni dərəcədə maraqlı və bilik yönümlü idilər. Hər ikisi həmişə daha dərin, “ilahi” bilik axtarırdılar.

Onlar diqqətə çatdırırlar ki, Nizami öz yaradıcılığı ilə Azərbaycanın milli-mədəni sərvəti olmaqla yanaşı, eyni zamanda millətlərüstü və dünya miqyaslı şəxsiyyətdir.

Məqalədə eyni zamanda 2021-ci ildə Azərbaycanda və dünyanın bir çox ölkələrində şairin 880 illik yubileyinin qeyd olunduğu vurğulanır.

• 69-cu "Qremmi"nin tarixi və yayım detalları açıqlandı
• Sertab Erener "Avroviziya"dan imtina etdi - Səbəb
• ARKA dövlət dəstəyi ilə film layihələri müsabiqəsinə başladı