Qazax Dövlət Dram Teatrı mart ayında bir-birindən maraqlı tamaşalarla tamaşaçıların görüşünə gələcək.
Kulis.az xəbər verir ki, 10 mart peşəkar Azərbaycan teatrının yaranmasının 151 illiyi münasibətilə Ağalar İdrisoğlunun "İnan mənə" pyesi əsasında rejissor, Əməkdar artist, sənətşünaslıq üzrə fəlsəfə doktoru Xəzər Gəncəlinin hazıladığı tamaşa nümayiş etdiriləcək.
Mart ayının 12-də Azərbaycan Teatr Xadimləri İttifaqının dəvətilə Bakıda Aktyor evində Jalə İsmayılın "Ametist xanım və Apatit bəy" pyesi əsasında rejissor Mirzə Nicatın hazırladığı "Love Butik" tamaşası nümayiş etdiriləcək.
Mart ayının axırlarında türk yazıçısı Turqut Özakmanın "Adət" pyesinin məşqlərinə başlanılacaq. Əsəri tamaşaya Əməkdar artist Xəzər Gəncəli hazırlayacaq.
Aprel ayından Əli Əmirlinin "Onun iki qabırğası" komediyasının məşqləri başlayacaq. Quruluşçu rejissor teatrın baş rejissoru Musa Eyyubovdur.
Sentyabr ayından F. Gilyermonun "Ezop" pyesinin məşqləri olacaq. Rejissoru Əməkdar artist Xəzər Gəncəlidir.
Məktəblilərin yaz tətili günlərində Vüsal Hüseynovun rejissorluğunda "Keçəlin toyu" tamaşası göstəriləcək.
İl ərzində teatrın respublikanın rayonlarına və Bakı şəhərinə qastrol səfəri nəzərdə tutulur.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər