Builki Novruz ərəfəsində Abşeronun dəniz-torpaq timsallı mavi-sarı rənglərinə Qarabağın allı-güllü çalarları da əlavə olunub.
Kulis.az xəbər verir ki, Suraxanı Rayon İcra hakimiyyəti və Azərbaycan Mədəni İrs Sənətkarlığına dəstək və Kreativ Sənaye İctimai Birliyinin təşkilatçılığı ilə Suraxanıda və Xırdalanda silsilə tədbirlər keçirilib. Qarabağın qədim xalçaçılıq ənənələrini yaşadan yaradıcılıq mərkəzlərinin dəyərli nümunələri geniş auditoriyaya təqdim olunub.
Tədbir təşkilatçılarından biri, Laçın Xalçaçılıq Mərkəzinin rəhbəri Azər Rəsulovun dediyinə görə, sərgilənən sənət əsərləri azad Laçında toxunan xalçalardır. Bu xalçalar ənənəvi Qarabağ texnikası ilə toxunur, amma müasir tələblərə uyğun yenilikçi elementləri də özündə əks etdirir.
Qeyd edək ki, tədbir vaxtı Yaradıcı Mərkəzin “Box”ça layihəsi də təqdim edilib. Novruz bayramında boxça bağlamaq ənənəsi ailələr və yaxın dostlar arasında məhəbbəti və birliyi əks etdirir.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər