"Qadın tez yoldan çıxır, ona görə də..." - Ofelya Şabanovanın həyat yoldaşı

"Qadın tez yoldan çıxır, ona görə də..." - Ofelya Şabanovanın həyat yoldaşı
13 mart 2025
# 18:31

"Qadın tez yoldan çıxır deyə, şeytan hər zaman ona yaxın olur. Mən özüm də Ofelyaya qədər çox gəzəyən olmuşam. Amma Ofelyadan sonra bütün meylimi ona salmışam. Qadınlar çöldə kölə kimi işləməyə razıdır. Amma evinin köləsi olmağa razı deyil. Düşünürəm ki, kişini kişi edən də qadındır..."

Kulis.az xəbər verir ki, bu sözləri müğənni Ofelya Şabanovanın əri Ceyhun Şabanov deyib.

Onun sözlərinə görə, müğənniyə həm analıq, həm qaynanalıq, həm valideynlik edib:

"Kişiyə nə lazımdır? Qadın nəvazişi, qadın qulluğu. Elə qadın var, kişini ovucunda saxlayır. Amma kişi yenə də gəzir. Bunun da günahkarı qadındır. Deməli, haradasa bir boşluq yaranıb ki, kişi o yolu seçib. Mən Ofelyaya həm ana olmuşam, həm qaynana, həm ata, həm də ər.
Kişi evə gələndə qadının yemək bişirdiyini, ev yığışdırmağını, paltar ütüləməyini görməməlidir. Kişi evə gələnə qədər qadın bu işlərin hamısını görüb qutarmalıdır. Xanımlarımızın bu dəqiqə 99 faizi kosmetika ilə gəzir. Kişi də qadını hansısa bir məclisdə-filan görür, bəyənir. Ona görə də qadın kişinin ilk gördüyü kimi qalmalıdır. Ailə quranda hansı halda idisə, o cür də davam etməlidir. Gəzmək kişiyə xas olan bir xüsusiyyətdir... Çölə çıxanda istər-istəməz gözü gözəllik axtarır. Qadın kişinin gözündə hər zaman gözəl qalmağı bacarmalıdır. Qadının danışığı, gülüşü, yerişi yerində olmalıdır ki, kişi bezməsin. Yəni, kişi üçün qadın hər zaman yenilik etməyi bacarmalıdır. Kişi evə gələndə qadınını “kəndçi” halında görməməlidir."


Ceyhun bəy qeyd edib ki, qadının qısqanclığı şeytandan, kişinin qısqanclığı isə imandandır:

"Qadın kişinin ürəyini sevir, amma kişinin gözü ancaq gözəllik görür. Düşünürəm ki, 55-60 yaşına qədər bütün qadınlar baxımlı olmalıdır. Evdə mübahisənin səbəbkarı hər zaman qadın olur. Kişi qadını haqlı olaraq qısqanır. Mənim arvadı ölən kişilərə yazığım gəlir. Çünki o kişilər, sözün əsl mənasında, yetim qalır. Qadın kişi obrazında çıxış edə bilər, amma kişilər bunu bacarmır. Allah onlara bu qüvvəni verib. Arvadı ölən kişi dünyanın ən bədbəxt insanıdır. Mən Ofelyanı öz övladım kimi böyütmüşəm. Hətta ona kukla belə almışam. 16 yaşında uşaq idi, onu mən böyütmüşəm. Qayğısına qalmışam..."

# 2271 dəfə oxunub

Oxşar xəbərlər

"Süd kəsilsin deyə dərman qəbul etmək olmaz" - APAMED

"Süd kəsilsin deyə dərman qəbul etmək olmaz" - APAMED

16:15 24 may 2025
Yad et məni, aşiqanə yad et! - Günün şeiri

Yad et məni, aşiqanə yad et! - Günün şeiri

15:10 24 may 2025
Gürcüstanla mədəni əməkdaşlıq müzakirə olunub

Gürcüstanla mədəni əməkdaşlıq müzakirə olunub

14:50 24 may 2025
"O xalının üstündən hər gün min adam keçir" - Röyanın Kannda nə işi var?

"O xalının üstündən hər gün min adam keçir" - Röyanın Kannda nə işi var?

14:30 24 may 2025
Qadınla Kişi Eyni Ola Bilməz! - Seyran Səxavət

Qadınla Kişi Eyni Ola Bilməz! - Seyran Səxavət

13:50 24 may 2025
Üzeyir Hacıbəylinin Ev Muzeyində konsert proqramı keçirilib

Üzeyir Hacıbəylinin Ev Muzeyində konsert proqramı keçirilib

12:25 24 may 2025
# # #