Kulis.az Günel Yazın yazısını təqdim edir.
Payız fəslinin şəninə bu günə qədər saysız-hesabsız şeirlər yazılıb, poeziyanın bütün qatlarında tərif deyilib, bir fərdin keçirə biləcəyi bütün hisslər tərənnüm olunub.
Düşünə bilərik ki, bu gün payızdan başqa nə yazıla bilər? Axı bu, elə mövzudur ki, yaradıcılığında ona yer verməyən yoxdur. Bu da təbii qarşılanmalıdır. Çünki payız elə bir fəsildir ki, bu zaman sanki insan özü ilə, dərdləri ilə tək qalır, özü ilə söhbətləşir, MƏNinin dərinliyinə enir.
Ancaq bu gün payız fəsli mənim üçün tam başqa məna ifadə edir. Ağacların tökülən saralmış yarpaqları nəzərimdə yeni bir həyatı, başlanğıcı oyadır.
Azərbaycan Ordusu 2020-ci ilin sentyabrnda - payız fəslində düşmənin təxribatlarına cavab olaraq əks-hücum əməliyyatına başlamış, 44 günlük Vətən müharibəsi ilə əzəli torpaqlarımızı mənfur düşmənin tapdağından azad etmiş, XXI əsrin yeni qəhərmanlıq salnaməsini yazmışdı.
Payız artıq bizim üçün yağışın islatdığı torpağın qoxusu ilə deyil, igid oğullarımızın o islanmış torpağa tökülən qanlarının qoxusu ilə sinxronizə olunur.
Yağışın altında düşmənə müqavimət göstərən qəhrəmanlarımızın torpağa tökülən qanları o quru torpağı Vətənə çevirən qızıl rəmzdir. İllərlə yağışın canlandıra bilmədiyi o torpaqlar həmin qanlarla islandı, cücərdi və Vətən oldu.
Şairin dediyi kimi, torpaq, uğrunda ölən varsa, Vətəndir! Ağacların saralmış yarpaqları torpağa düşür və bu düşüş yenidən dirilişin simvoludur. O yarpaqlar neçə-neçə oğullarımızın qanı ilə qarışaraq yenidən yaşarır, köklərilə Vətən torpağını sarıb sarmalayır.
Payız... Bu fəsil artıq mənim üçün sadəcə payız deyil, Vətənimin oyanışıdır!
Payız - Günel Yaz yazır
Oxşar xəbərlər
Krımın ən güclü qadını necə Sovet cəhənnəminə atıldı? - Bakının faciəli "qonağ"ı
15:00
29 noyabr 2025
Bizi sonsuz xəyallara qərq edən qüvvə - Sərgərdan və məzəli həyatın sonu
13:52
29 noyabr 2025
Mehriban Xanlarova işdən çıxarıldı
12:54
29 noyabr 2025
Rusiyada "Whatsapp" bloklana bilər
11:40
29 noyabr 2025
Mənsum İbrahimov: "O insanların işi boş dedi-qodudur"
10:36
29 noyabr 2025
Dövlət Kamera Orkestrinə yeni dirijor təyin olundu
10:10
29 noyabr 2025