Bu gün görkəmli rejissor Toni Skotun anım günüdür. Rejissor 2012-ci ildə özünü Los Ancelesdə Vinsent Tomas körpüsündən ataraq intihar edib.

Kulis.az rejissorun 5 ən məşhur filmini təqdim edir.

Top Gun

Film Hərbi Dəniz Qüvvələrinin pilotu Pit Mitçelin (Maverik) “Top Gun” mükafatını qazanmaq uğrunda mübarizəsindən bəhs edir.

“Top Gun” 2015-ci ildə ABŞ Milli Arxivində qorunub saxlanmaq üçün seçilib.

Filmdə baş rolları Tom Kruz və Kerri Makkillis canlandırır.

True Romance

Filmin ssenari müəllifi “Reservoir Dogs”, “Kill Bill”, “İnglourious Basterds” kimi filmlərin rejissoru Kuentin Tarantinodur.

Bu qara yumorla bəzənmiş cinayət filmində komiks mağazasında işləyən asosial Klarens Voley bir gün “Alabama” adlı bir qıza aşiq olur. Alabama da onu rədd eləmir. Ancaq sonra Alabamanın müdiri tərəfindən ona göndərilmiş bir fahişə olduğunu öyrənir.

Crimson Tide

Filmdə ultramillətçi rus üsyançılar ABŞ və Yaponiyanı nüvə silahı ilə hədələyir. Buna cavab olaraq, ABŞ “USS Alabama” nüvə sualtı qayığını işə salır. Sualtı qayığın kapitanı veteran dənizçi Frenk Remzi, baş köməkçisi isə komandir Ron Hanterdir. Rus sualtı qayığının hücumuna məruz qalan “Alabama” radio rabitəsini itirir. İki bacarıqlı və təcrübəli insan ölümlə üz-üzədir.

Enemy of the State

ABŞ-də işlənən cinayət hadisə ilə əlaqəsi olmayan insanları belə təhlükə qarşısında qoyur. Cinayəti lentə alan Daniel Zavitz videonu saxlayaraq bir jurnalistlə əlaqə yaradır. Bundan xəbər tutan kəşfiyyat xidməti Zavitsin izinə düşür. Zavitz də köhnə dostu, vəkil Robert Dinin yanına gedir.

“Enemy of the State” rejissorun ən uğurlu filmlərindəndir.

Filmdə əsas rolu Oskar mükafatı laureatı Uil Smit canlandırır.

Spy Game

Natan Muir iş yoldaşı Tom Bişopla CİA kariyeraları boyunca bütün çətinliklərdən birgə çıxaraq dostluqlarını möhkəmləndiriblər. Ancaq heç nə əbədi deyil. Belə ki, Natan artıq pensiyaya çıxır. Ancaq bir gün dostunun həyatının təhlükədə olduğunu öyrənir. Dostu 24 saatdan sonra öldürüləcək.

Filmdə baş rolları Robert Redford və Bred Pitt canlandırır.

• Növbəti "Kaş Caz Festivalı" keçiriləcək
• "Sarayevo" Film Festivalının fəxri mükafatı kimə veriləcək?
• İrlandiyalı yazıçı Fələstin Hərəkatına dəstəyini davam etdirəcəyini açıqladı